影片
更多
2010-07-21
49 瀏覽
今天晚上有舊同學生日約左出嚟食飯,因大家都唔太舒服,所以就話食上海嘢,諗住早d入嚟攞位,因記得好似冇得訂位,早上十一點幾十二點,抱住問下的心態打嚟問下有冇得訂位,點知簽案竟然係有,仲可以指定訂圓枱,起初話要齊人先入得,後尾又話其實過半數都可以入.放工同其中一個同學先到,諗住未夠過半數冇得入去坐,點知仕應又話可以入,我地就入去先,坐在最入位置,原來呢度都幾大,之前嚟過係坐近門口,所以都唔知原來有咁大,一行七人坐圓枱,原來還有一間大房既,我地坐坐下先發現原來有八個人先啱,好彩張圓枱都可以坐到八個人,仕應服務都幾好,馬上例茶給我們,坐左一陣差一個先齊人,仕應突然同我地講可以俾間房我地坐入去,跟住就遷移入去間房啦,間房都幾大,坐到十幾人.係未齊人既時候我地已叫左小籠包及生煎包諗住食住先,但原來都話要等15分鐘.之後我地就叫左都幾多嘢食.口水雞這個是特別推介,係本menu係冇既,係放係張枱個牌先有,叫左小辣,所以唔算好辣,雞肉都幾滑,有點麻麻地既感覺,份量好細小籠包一客四個,趁熱食,加些醋一齊食,好味,個皮都算薄身,入面好多湯,所以要好小心咁食糖醋骨這個好開胃,酸酸甜甜,但我覺得味道配得好好,唔
放工同其中一個同學先到,諗住未夠過半數冇得入去坐,點知仕應又話可以入,我地就入去先,坐在最入位置,原來呢度都幾大,之前嚟過係坐近門口,所以都唔知原來有咁大,一行七人坐圓枱,原來還有一間大房既,我地坐坐下先發現原來有八個人先啱,好彩張圓枱都可以坐到八個人,仕應服務都幾好,馬上例茶給我們,坐左一陣差一個先齊人,仕應突然同我地講可以俾間房我地坐入去,跟住就遷移入去間房啦,間房都幾大,坐到十幾人.
係未齊人既時候我地已叫左小籠包及生煎包諗住食住先,但原來都話要等15分鐘.之後我地就叫左都幾多嘢食.
口水雞
這個是特別推介,係本menu係冇既,係放係張枱個牌先有,叫左小辣,所以唔算好辣,雞肉都幾滑,有點麻麻地既感覺,份量好細
小籠包
一客四個,趁熱食,加些醋一齊食,好味,個皮都算薄身,入面好多湯,所以要好小心咁食
糖醋骨
這個好開胃,酸酸甜甜,但我覺得味道配得好好,唔會過左火,排骨勁淋身,連d骨都可以食埋,排骨唔肥呀
賽螃蟹
這個一般啦,都好滑的,幾多蟹肉,但要送飯先好味
砂碢津白
算大鍋,有津白,咸肉,粉絲,但湯好多,料好少,味道都清甜的
雪菜咸肉炒年糕
這個好味,有好多雪菜,多咸肉,年糕切到幾薄,食起上嚟唔會覺得滯,所以配合得幾好
水煮牛肉
又係特別推介,叫左小辣,唔算大碗,有些水晶粉,牛肉,津白,都幾辣呀,但都好味,牛肉好淋身,水晶粉及津白都吸晒d辣汁好入味,這個份量算叫多了
雞絲煨麵
這個個碗好細,d麵感覺係好多,因裝到好滿,有些菜粒,雞絲,清清淡淡,但唔可以放得太耐先食,因有咩湯d麵好快吸晒d湯發漲及淋晒
蟹餅
這個都一般啦,好細個,每人試少少,入面有d溶,其實唔太食到食咩溶
生煎包
這個追左幾次,還要係最初落單,但攪到最尾先嚟,一般啦,又係好細個,唔太夠熱,個皮都薄的,入面d肉都唔算多,唔會好膩
金勾紅米炒飯
這個又係特別推介,個樣都幾靚呀,有紅米感覺好似健康d,有些細細粒的唔似係咪元貝粒,都幾多料,好味
南瓜餅
這個賣相都幾好,花型的,好難先可以切開咁多份,一般啦,我覺得南瓜味唔夠重
豆沙鍋餅
這個都好味,唔會好甜,薄薄地唔會覺得好滯
我地坐係間房到幾個鐘,仕應不停替我們加茶,服務都好好,但其中一個仕應則比較遲鈍,好難先明你講咩,但其他都ok的,如果d食物份量可以多少少則更好呀!!
張貼
