閔大人 (啟岸) (已結業)

睇咗食評去試吓係咪咁好食，同朋友叫咗細份冇骨炸雞，炸雞塊爽脆嫩滑多汁唔油膩！點咗食評推介嘅蜜糖芥末，同雞塊好夾！另一個韓式豬腩肉炸醬麵，麵質彈牙炸醬味道恰到好處！唔似出邊嗰啲一係太鹹，一係太甜！不過略嫌豬腩片細碎咗啲！仲有點咗韓式辣豬肉飯卷，包得好足料實淨，唔會飯多過啲餡料，配搭埋自家製泡菜同醬汁，真係好有韓國風味！差啲漏咗仲有個炸南瓜，份量足夠，食落唔會俾啲油漿住個口！下次可以再去試埋其他嘢先！