影片
更多
2018-11-24
288 瀏覽
呢一日同幾個朋友去到銅鑼灣某百貨公司嘅感謝祭買完嘢之後，我哋嚟到呢一間小菜館試下，環境感覺似一間普通嘅茶餐廳，但完全估唔到出品都幾有水準，難怪喺自己個招牌冠名做私房菜，食落真係唔錯。雖然係平日，但都近乎爆滿，好彩朋友book 咗位。未食飯之前先送上一客嘅家常靚湯， 非常滋潤 ，喺呢一個涼涼哋嘅天氣，飲落真係非常之暖胃。叫咗兩個小食，食住等另一個朋友嚟， 不得不試嘅係呢個花雕鴨舌，食落好香花雕味，鴨舌煮得剛好爽口彈牙， 帶有淡淡嘅杞子香味， 好快就同朋友清左一碟。而另一個係椒鹽雞軟骨， 熱氣嘅嘢應該冇乜邊個唔中意嘅， 雞軟骨畀炸粉包住，但粉唔會太厚，食落香口得嚟唔會好油膩， 鹹鹹香香嘅感覺好啱送酒。見唔少客人都點咗呢一個酥炸桶蠔，似乎係呢度嘅名菜，我哋一於都叫嚟試下，估唔到上枱真係冇失望。桶蠔大大隻，差唔多好似手掌咁大，而且蒜味好香，熱辣辣咁炸，亦都唔會好厚粉，入面嘅蠔肉肥美結實， 食落真係啖啖肉。一行四人就叫咗兩個二人套餐， 有一條清蒸海上鮮，加埋半隻海南雞，另加兩個小菜同兩碟時蔬 ，其實都幾豐富。先講下個海南雞啦， 海南雞非常嫩滑， 而且去曬骨好方便客人食，雞肉結實，但雞皮爽口， 加
雖然係平日，但都近乎爆滿，好彩朋友book 咗位。
未食飯之前先送上一客嘅家常靚湯， 非常滋潤 ，喺呢一個涼涼哋嘅天氣，飲落真係非常之暖胃。
叫咗兩個小食，食住等另一個朋友嚟， 不得不試嘅係呢個花雕鴨舌，食落好香花雕味，鴨舌煮得剛好爽口彈牙， 帶有淡淡嘅杞子香味， 好快就同朋友清左一碟。
而另一個係椒鹽雞軟骨， 熱氣嘅嘢應該冇乜邊個唔中意嘅， 雞軟骨畀炸粉包住，但粉唔會太厚，食落香口得嚟唔會好油膩， 鹹鹹香香嘅感覺好啱送酒。
見唔少客人都點咗呢一個酥炸桶蠔，似乎係呢度嘅名菜，我哋一於都叫嚟試下，估唔到上枱真係冇失望。
桶蠔大大隻，差唔多好似手掌咁大，而且蒜味好香，熱辣辣咁炸，亦都唔會好厚粉，入面嘅蠔肉肥美結實， 食落真係啖啖肉。
一行四人就叫咗兩個二人套餐， 有一條清蒸海上鮮，加埋半隻海南雞，另加兩個小菜同兩碟時蔬 ，其實都幾豐富。
先講下個海南雞啦， 海南雞非常嫩滑， 而且去曬骨好方便客人食，雞肉結實，但雞皮爽口， 加埋酸酸甜甜嘅蘿蔔，配上薑蓉、 黑醬油、酸汁等。
當然要叫埋個油飯，襯埋先啱啦！ 呢度可以選擇油飯或白飯，有別於一般嘅餐廳嘅套餐只提供白飯， 雖然係包埋，但係呢個油飯絕不失禮，香口嘅雞油包住每粒飯， 大大碗真係食到個個都嘴舐舐。
至於呢一個魚香茄子，亦都非常熱辣辣，用鍋上加埋炒香嘅肉碎同醬汁，撈埋茄子好好送飯，不過可惜就係有少少油膩， 對比炸物有少少失色。
蒸魚原來係鵝頸橋街市每日直送， 清蒸嘅黃立倉，簡簡單單就好似屋企嘅味道咁。
至於沙拉骨做得都唔錯炸完嘅排骨包上醬汁，再加沙拉醬， 但係唔會令到個排骨淋咗，依然保持香口，好惹味。
食到好飽，仲有一碗薑汁湯圓送上，湯丸係黑芝麻餡， 唔會太甜，但重點係個薑汁非常之辛辣，冬天食真係暖身又暖胃。
如果單計二人套餐，其實每人只係百零蚊，不過我哋就加咗少少小食同埋個蠔，埋單每人大約200蚊有找 ，其實都係非常之抵食，喺銅鑼灣呢個價錢嚟講，食物水準質素又唔錯， 第時飯局又可以再約呢度，試下其他嘅菜式。
張貼
