一糖 (屏山)

營業中

休息中

今日同兩位朋友專登揸車🚗入天水圍，朋友介紹屏山有間甜品店嘅窩夫🧇好好食，山長水遠都要去試吓。一糖出面有個大空地泊車，方便！我哋叫咗小食當晚餐：腸粉、腸仔、燒賣、魚旦同雞翼尖，質素尚可，主要都係想食甜品前醫肚。我哋叫咗兩個窩夫：抹茶麻糬伴曲奇雪糕同Mocha麻糬伴薄荷朱古力雪糕，兩個都好好味😋，果然無介紹錯。窩夫外脆內煙靭，麻糬口感Q彈，抹茶味🍵清香，Mocha☕️醬都好特別，咖啡味濃郁，甘香微苦。溫暖的窩夫配上冰凍的雪糕，味道、口感同溫度真係一流！我哋另外都叫咗蜜糖花茶同紅棗茶，用料十足，花香撲鼻，綠茶味清香，加上清甜的蜜糖，飲落去好舒服。不枉此行！