茶木‧台式休閒餐廳 (屯門市廣場1期)

營業中

休息中

今日收工太累，屋企無飯開，接左阿女放學就去揾野食。呢排都係食日本野多，所以今日轉場食下台灣野先。燈光光猛柔和，格調分名，感覺非常舒適。晚飯時段人山人海，好彩等左唔係太耐就有位。香煎沙朗肉燥飯沙朗份量都算多，烹調時間適中，唔會太生大韌，一咬即斷，肉質香嫩，再配上半隻鹵水味既流心蛋和美味既肉燥飯，簡直係絕配，食完都好飽下。培根樹子炒椰菜花培根其實係指煙肉，當中加了辣椒和椰菜花炒在一起，味道非常惹味，如果喜歡食辣嘅人不妨可以點這個菜。烏魚子原貝手作麵原貝比想像中大粒，原貝厚身軟熟，手作麵彈牙帶口感，再配上毛頭雜菌和小蕃茄，非常豐富和健康。意外地竟然有兒童餐提供，賣相色彩繽紛非常吸引，好適合小朋友食，重點又可以唔洗太就她們，各有各食，自己叫辣既菜式都可以，非常之好。熱蜜桃茶呢幾日涼涼地，飲番杯熱嘅蜜桃茶滋潤一下先。內裏面鋪滿細細粒既蜜桃乾，帶點清香鮮甜，令人感受到休閒放鬆既感覺。晚飯時段也有套餐可供選擇，簡單而又有多種配搭，價錢合理，地點方便，非常好。