八方棧

營業中

休息中

近期好鐘意去科學園踩單車，望住個海踩，真係好舒服。踩完單車，我地去左「八方棧」食晚飯。餐廳設有室外和室內，室外可以望住個海食晚飯，非常寫意。濃湯海味雜菜煲雜菜有西蘭花、菜心、白菜仔，除了雜菜，有蝦乾、冬菇、粉絲，湯底味道好濃郁，所有雜菜都吸盡湯汁，份量十足，送飯一流。五代同堂炒飯一上枱，香氣撲鼻，火喉十足，炒飯炒得粒粒分明，不會油膩，炒飯配料有蝦仁、翠肉瓜粒，蝦乾、蝦籽、蝦米、櫻花蝦，每一口均吃到蝦的鮮味，充滿了鮮味的炒飯。魚米蛋白蟹肉鮮茄羹湯羹有蛋白、蟹肉，加入了粒粒鮮茄，味道清淡，湯羹加入胡椒粉，味道更提升。