寿司の神 (已結業)

立秋剛過。走在大西北街頭。微微既秋意令人期待一陣既omakase。秋天總是食魚既好季節。肥膘最盛之時節是也。介紹當然挑重點黎講。今晚最值得分享既有：最讚：秋刀沒錯。秋刀季節剛到冇耐。正常每年中秋前後就係去食既最好時機。月餅都未拎就食早得濟咩？又唔係喎。有圖有真相。見到皮下已儲膘。剛好平衡。其實一尾秋刀。一條青瓜卷已經係完美既晚餐。次讚：筋子可能大家會諗筋子冇三文魚子咁好睇。但係我總覺得果一層卵膜黏口既感覺會令到魚子爆破後既味道更持久更有層次。就好似三文魚子係炮杖。而筋子係一穿既震撼彈。對比之下更令人回味。也都很讚：燒鰻魚老實說除了鰻魚汁同山椒粉外。呢個燒鰻係一份燒鱔。唔再深究鰻同鱔呢啲同宗不同種既生物堂問題。只講食感係比係日本食過既任何燒鰻為佳。首先肉厚。近兩厘米厚既肉。次之皮厚。比鰻魚紙一般既皮厚上n倍。合之皮肉俱爽彈。比再新鮮既鰻魚都有質感同食感。可能你會話。燒鰻不是要溶在口中既油香咩？同樣呢個油香係每下咬落去既時候都湧住黎。真係正！也都很讚：深海池魚。火炙拖羅深海池魚新鮮得很。皮層既銀色比得上銀箔般耀眼。拖羅火炙後油香未食先聞。更立體更有層次可以更好既可能就係天婦羅吧。係失分位。