影片
更多
2012-11-24
37 瀏覽
如果食自助餐,食飽之後又近我返屋企~2+2會係我唔錯既選擇!!見秋風起~呢到又做緊蟹王優惠~所以就約左兩個師奶仔黎HAPPY下~自己早左少少放工,諗住早少少先去餐廳食住等,點知去到囉位先知冇人BOOK 枱~真係一個餐前震撼!!我即時打電話問過明白,結果係我地几個溝通上出現誤差~所以冇人打去訂枱,幸好我早左少少到,而當晚又唔算好多人,侍應先生好迅速咁幫我地安排坐位,佢話當晚都好FULL,所以想安排我地坐近甜品的門口位,我緊係唔制~拎野食都唔方便~!之後佢又帶我去左個近洗手間既位,我話:唔好啦掛,仲有冇第二個?!佢就話我地係想坐邊,咁我同佢講我想坐返入少少,拎野方便D既位咁佢就即時CALL咪又幫我調過~!最後佢帶左我入內堂,仲比我自己揀位~坐到入去都未夠鐘,侍應哥就過黎幫我加下水又吹下水,又幫我地移返好D枱既位置,感覺好細心,差唔多夠鐘,佢又會提醒我差唔多可以拎野食~!我自認都有少少LONG LAI...呢位哥仔服務真係好唔錯~絕對值得一讚可恨我冇LOOK真佢心口個名~如果唔係,我一定會好好表揚佢~!(只限呢位,因為佢其他同事唔知係咪食錯葯,成日都想我地走咁,係咁執我地張枱,明知我地未食完
如果食自助餐,食飽之後又近我返屋企~2+2會係我唔錯既選擇!!
見秋風起~呢到又做緊蟹王優惠~
所以就約左兩個師奶仔黎HAPPY下~
自己早左少少放工,諗住早少少先去餐廳食住等,
點知去到囉位先知冇人BOOK 枱~真係一個餐前震撼!!
我即時打電話問過明白,結果係我地几個溝通上出現誤差~所以冇人打去訂枱,
幸好我早左少少到,而當晚又唔算好多人,侍應先生好迅速咁幫我地安排坐位,
佢話當晚都好FULL,所以想安排我地坐近甜品的門口位,我緊係唔制~拎野食都唔方便~!
之後佢又帶我去左個近洗手間既位,我話:唔好啦掛,仲有冇第二個?!
佢就話我地係想坐邊,咁我同佢講我想坐返入少少,拎野方便D既位
咁佢就即時CALL咪又幫我調過~!最後佢帶左我入內堂,仲比我自己揀位~
坐到入去都未夠鐘,侍應哥就過黎幫我加下水又吹下水,
又幫我地移返好D枱既位置,感覺好細心,差唔多夠鐘,佢又會提醒我差唔多可以拎野食~!
我自認都有少少LONG LAI...呢位哥仔服務真係好唔錯~絕對值得一讚
可恨我冇LOOK真佢心口個名~如果唔係,我一定會好好表揚佢~!
(只限呢位,因為佢其他同事唔知係咪食錯葯,成日都想我地走咁,係咁執我地張枱,
明知我地未食完,佢已經伸定隻手埋,真係想斬左佢~)
我知喺食物方面水準一向都唔錯,喺自助餐我都係比較主攻冷盤同生蚝,
其他熱食行多兩轉都唔夠時間了~
生蚝:排隊等開,(雖然我最唔中意排隊等食,但係為求新鮮唔會開定,要等LA!)
今次D蚝唔算好大隻,但好有鮮蚝味,只要點少少檸檬汁就可以了!有時師夫開既時候見D蚝唔係咁正,都唔會比個客,不過發現次貨既機會好少~!
凍蟹,凍蝦,菲翠螺:我的心愛~!夠多夠大隻夠味~唔會食左都唔覺知左咩,已經好足夠LA!而且D蝦頭入面仲有D膏,'損'完之後真係死而無憾~!
蟹粥 - 好多料,大大隻皇帝蟹喺D粥入面,蟹蓋入面仲有好多蟹膏~真係令人興奮!只係食入口一D味都冇,好似蟹有蟹煮,粥有粥煮,可惜~
柚子蟹沙律 - 新鮮蔬菜加蟹肉撈埋而成,加埋柚子有少少酸,令人感覺開胃,值得一試
刺身,壽司款式唔算多,始終只係陪襯~
三文魚,八瓜魚,立魚,吞那魚刺身 -一般,唔會感覺太閃亮,亦係即叫即切,要等一陣LA
壽司款式都多,就真係冇咩點試~因為今日主題唔係日式野嘛~!而且見到咁大舊飯,肯定好快飽,都唔敢招呼!
燒羊架 - 好香好有羊味~只係放得耐左,已經失去左燒出黎既香脆味道
椒鹽豆腐:係我最意想唔到既美食~唔好睇少佢好易整,每一粒都好脆有椒鹽味,唔似放左好耐~正!
咖哩蟹 - 用印度式既整法,好香好濃既咖哩味,食落口又唔會太辣,唔會蓋左D蟹既微微的鮮味!
蒸魚:蒸魭魚,感覺一般,但因為我真係太愛食魚,所以都食左一碟~!
大閘蟹:同場每人送大閘蟹一隻,比想像中大隻,味道一般,唔會有太大期望!
另有好多款自家製甜品,同'係咁抵'雪糕,但係因為我食得慢左少少,所以都唔夠時間食!
有D可惜~ V__V
同場除左一般既coffee or tea之外,仲有薑茶比大家選擇!! 可惜我覺得太甜,唔夠薑~!
題外話/補充資料：
總括黎講呢餐以呢個價錢可以享用到呢個質素,算係物有所值~~!
期待下次再黎~希望可以見返友善的哥仔~!
(以上食評乃用戶個人意見 , 並不代表OpenRice之觀點。)
張貼
