新南苑私房菜 (已結業)

朋友帶我嚟新南苑私房菜打邊爐，餐廳有卡位、房間，甚至20幾個人嚟食都冇問題，啱晒一大班人打邊爐，仲要營業到凌晨兩點，諗住傾夜啲都得！今次我同朋友嗌咗牛牛餐，每人只係三百幾蚊，已經包括幾款前菜，刺身拼盤、冰鎮鮑魚、雞煲/鴨血/酸菜魚三選一，同埋多款火鍋配料飲品任食任飲，超回本！雞煲有得揀辣度，仲會配埋油炸鬼，估唔到味道又幾夾，超惹味！話到明係牛牛餐，梗係唔少得幾款高質靚牛任食啦，包括有M9澳洲射和牛、美國極上牛肉、熊本一口牛、安格斯牛小排，除此之外仲會有一份本地手切牛頸脊，簡單淥一淥濃郁嘅牛脂已經喺口腔入邊散發出嚟，好高質！火鍋配料方面，有幾款都係餐廳精心推薦，上台速度好快，而且唔會漏單。咁啱當晚播緊英超賽事，所以餐廳入邊嘅氣氛都好高漲，餐廳老闆話平時都會播英超、賽車等等比賽，所以嚟之前記得book位啦！