鄰居 (已結業)

夜晚經過長沙灣，見到呢間店舖細細間，裡面已經滿座，門外有幾組人排緊隊，於是人排我又排。餐牌上選擇不多，小食，沙律及漢堡等等。開放式廚房，自助形式購買。烤大啡菇沙律加雞扒加菠蘿，所有最好味既食物，集中於一身。烤菇一點也不會乾，多汁又彈牙，其次雞扒惹味，加埋菠蘿，酸酸甜甜，真係好夾。呢個組合係我既私心推介，無得輸。另外，朋友點了牛肉芝士漢堡飽，麵包有烘底香口，份量大點都係要分開吃，一口咬唔哂。食物即叫即整，新鮮熱辣，點都會好味。