影片
更多
2023-06-28
48 瀏覽
尖沙咀廣東道唔係淨係得名店嘅🤣今次想同大家推介一間開業不久但超級高質嘅鐵板燒餐廳👍🏻👍🏻除咗鐵板燒套餐仲有個area可以試到啲精緻特色嘅日式料理。今次點嘅鐵板燒－臣Omakase有成16道菜咁多😍😍每一款質素都係平均地高，好多都用上平時少見嘅食材配搭，盡顯廚師心思❤️❤️$1080呢個價錢可以食到咁多咁靚嘅食材，加上上乘嘅味道同服務，我覺得係超值，大推🫶🏼🫶🏼👏🏻👏🏻老闆係愛酒之人，呢度有好多日本清酒比出面平足幾成😏廚師好健談，傾咗好耐計😝仲比我知道咗好多食材知識😆😆沙律清爽沙律加上莓果🍓🫐酸甜開胃前菜前菜係龍蝦汁蒸蛋🦞用上蛋型石頭器皿盛載，幾可愛💖蒸蛋非常滑溜，食到淡淡龍蝦汁香味。時令海產（3款）帆立貝簡單將帆立貝燒過，保留非常突出出嘅鮮甜味😙😙面頭灑上淡水鹽同烏魚子，賣相加分之餘亦令帆立貝多咗啲微酸嘅味道，幾特別😋甘鯛立鱗燒餐廳嘅招牌菜！立鱗燒都係第一次食，烹調難度非常高，足見廚師技藝😎將魚鱗用熱油炸至鱗片豎起如花瓣，金金黃黃好靚🌼魚鱗鬆脆如餅乾，底下嘅魚肉卻非常嫩滑鮮美，同魚鱗成強烈對比。醬汁用花椒、酸菜、魚骨先熬成，味道微酸，好香花椒味，估唔到將中菜元素融入呢道日式高級料理可以咁正
沙律
清爽沙律加上莓果🍓🫐酸甜開胃
前菜
前菜係龍蝦汁蒸蛋🦞用上蛋型石頭器皿盛載，幾可愛💖蒸蛋非常滑溜，食到淡淡龍蝦汁香味。
時令海產（3款）
帆立貝
簡單將帆立貝燒過，保留非常突出出嘅鮮甜味😙😙面頭灑上淡水鹽同烏魚子，賣相加分之餘亦令帆立貝多咗啲微酸嘅味道，幾特別😋
甘鯛立鱗燒
餐廳嘅招牌菜！立鱗燒都係第一次食，烹調難度非常高，足見廚師技藝😎將魚鱗用熱油炸至鱗片豎起如花瓣，金金黃黃好靚🌼魚鱗鬆脆如餅乾，底下嘅魚肉卻非常嫩滑鮮美，同魚鱗成強烈對比。醬汁用花椒、酸菜、魚骨先熬成，味道微酸，好香花椒味，估唔到將中菜元素融入呢道日式高級料理可以咁正👏🏻👏🏻
香草牛油焗榮螺
食完較中式嘅魚之後食返個西式焗榮螺🐚師傅等我哋影完相先再將螺肉從殼中取出，超細心❤️螺肉啖啖肉好爽彈，香草牛油嘅香味恰到好處，加埋下面軟滑薯蓉，好滿足☺️☺️
沙巴虎蝦
巨型虎蝦🦐蝦肉彈牙得好似有隻新鮮蝦係口腔入面彈跳（唔係講笑真係有呢個感覺😂😂）用上蟲草花忌廉醬搭配蝦膏，鮮甜味突出👍🏻
鵝肝
又大又厚，煎到滴晒油份好邪惡😈面頭酸甜嘅蘋果蓉剛好中和一下。食完仲可以食埋冰菠蘿🍍夏日感覺出晒嚟😆
季節燒魚
目光魚
有啲似秋刀魚，油份豐富，燒至逼晒油份出嚟💦口感香脆，連骨都可以食埋🤪加點青檸同柚子胡椒更惹味。
南非鮑魚
肉質爽彈到不得了，又鮮甜😚😚好鍾意側邊嘅鮑魚肝醬，其他地方一般會比較鹹，呢度竟然帶點甘甜味😋😋原來落咗黑糖去除內臟苦澀味，仲吊起醬汁原本嘅鮮味，好食到要舔乾淨🤣
美國牛肉、日本鹿兒島黑豚肉
同朋友兩款肉都試下，牛肉用上封門柳，肉味香濃，有咬口之餘中間仍有肉汁👏🏻豚肉都頗彈牙。醬汁幾特別，有鹽漬昆布、wasabi以及紫蘇梅子醬，牛肉配鹹鹹酸酸嘅昆布同wasabi一齊食，刺激味蕾😛😛豚肉配梅子醬就酸爽解膩。
炒飯
食到後段已經極飽🤰🏻但呢個炒飯都令我忍唔住大口大口食😆師傅用上醃漬高菜，平時只會作為唔起眼嘅漬物，而家就變成主角之一，配炒飯增添鹹鮮味道🤩毋須過多其他調味已經不錯。
炒椰菜、味噌汁
炒椰菜清清地可以中和一下。味噌湯加入蝦頭熬製，湯入面見到唔少蝦膏😗😗
甜品
甜品環節通常只有雪糕，呢度師傅仲整埋焦糖多士🍞可惜同朋友已經好飽，只能每人食半份🤣好似焦糖燉蛋一樣，多士面頭剛剛好裹上一層脆卜卜焦糖，甜而不膩😋😋另外唔少得雪糕🍨柚子味比起其他地方食過嘅更清爽，柚子甘澀味突出，非常解膩；芝士味出面少有，食到微酸似cream cheese味道，好食🫶🏼
人均消費：$1200
推介指數（10分為滿分）：9分
張貼
