福岡漢堡扒 (鴻威大廈)

營業中

休息中

嚟自韓國嘅福岡漢堡扒晚市通常都座無虛席，我今日就選擇咗午市嚟，就比較輕鬆唔使等位。雖然係食燒肉，但係抽空做得好好，環境內完全冇油煙味。入得嚟當然要食個漢堡扒，菠蘿煙肉和牛漢堡扒淨係賣相都已經攞滿分。仲配埋大大碗嘅白飯。因為第一次嚟，店員都好用心講解漢堡扒嘅食法，自己攞適當嘅份量放上熱石，大概10秒反一反，生啲燶啲自己話事。枱上面嘅抽風強勁，所以完全冇油煙味。隨意加上芝士嘅漢堡扒，配白飯一流。另外加$3就可以有無限追加嘅沙律，我就最鍾意食日本椰菜配芝麻醬。仲會提供泡菜，同燒肉醬汁。另外我哋就揀咗東武里牛丼，無論牛肉粒定飯嘅份量都相當多。跟餐轉咗柑橘檸檬特飲，估唔到咁大杯，其實要兩個人先飲得晒。另外一杯蜂蜜柚子茶都好大杯，仲好足料。呢間福岡漢堡扒，無論食物同服務質素都相當高，難怪經常大排長龍，下次要再約其他朋友一齊嚟再食過。