迷客夏 (利園山道)

營業中

休息中

milksha最近新出左幾款飲品，上次試過杯忌廉可可伯爵茶凍既沙冰，我覺得麻麻地。今次試下龍眼爺爺。落單之後我特登行去望下佢點整，我見到佢攞左一袋龍眼，然後成包倒曬落去個攪拌機，裡面我估都係廿幾三十粒龍眼😨之後就加椰子水打爛曬佢，然後係杯落左我點既芋圓同蘆薈，倒入龍眼，最後加入椰奶就完成了。呢杯野飲落係啖啖都係濃濃嘅龍眼味，仲有椰子水嘅清甜，椰奶嘅油脂感，非常rich！真係要推介！而且可以揀兩隻配料加落去好正，下次會再叫。