深宵食堂 (已結業)

今日嘅晚餐去到銅鑼灣比較一角嘅百樂中心，黎呢到食宵夜，呢到開到成12:00架，樂岩我呢種夜貓人士，而且呢到串燒燒得好靚好正，係我嘅食堂，而且佢地都好友善！今次食左幾樣野想介紹，首先鹽燒鯖魚$48，係我食過咁多間燒烤店之中最好食嘅一間😍😍好多係出面食都好dry，呢間係爆汁好新鮮！！之後黎嘅有煙肉蠔卷$38，一串有3隻，就係用煙肉包住隻蠔，味道都唔錯嘅，然後就有翠玉瓜$24，有4件，食落都好juicy，之後就叫左川式茄子$72，雖然係比較貴，但我覺得好正，燒得好靚又有汁，上面大量蒜蓉，個口好臭但好正，然後就有芝士蟹肉玉子燒$78，玉子燒入面有大量拉芝同蟹肉，好滿足！另外食左個冰燒菠蘿都好滿足，超級多菠蘿汁，真人好正！然後食埋娃娃菜$24有2串，最後食埋主食鵝肝什菌石窩飯，啲鵝肝真係香到暈左，好邪惡但係必食😍😍