在家居酒屋 (已結業)

今日同同事去到顯徑做嘢 經過呢間新開嘅在家居酒屋 好有神秘感於是就入去食下啦 餐廳外牆冇窗牆壁嘅顏色係水泥灰色 成個感覺型格得呢有啲神秘酥炸芝士年糕 年糕外層超級脆 入面係煙煙韌韌嘅日式年糕 加上香味十足嘅流心芝士配搭好夾鮭魚丼 上面有幾片厚切三文魚刺身 睇個樣都知十分肥美 味道鮮甜 仲有舊蛋香十足嘅玉子燒旋風滑蛋炙燒豬軟骨湯 上面有非常嫩滑形狀有趣嘅旋風滑蛋 入面係焦香同日式醬油味十足嘅豬軟骨 同時炆得又淋又入味 味道同口感都非常夾 用嚟撈飯一流