寿司の神 (已結業)

壽司之神果然名不虛傳，第一次聽呢間餐廳個名，心諗點解會改個咁勁嘅名，上網睇過下佢嘅背景後，知道呢間餐廳嘅來頭同聲譽之後，就決定一試！第一次去諗住間餐廳咁貴應該唔會日日full house就無book枱，結果真係full晒無得食，所以變左今日再戰。餐廳唔係好大，裝修比較簡單，牆壁上掛左幾把唔同嘅壽司刀，睇黎對刀都好講究。我選擇左$1280的set。食材都為上等貨，特別深刻的是，北寄貝刺身居然是還會動，真正新鮮而不是急凍冰鮮！佢地嘅生蠔，大大隻極新鮮極肥美，配上自製嘅酸醬，再在上面加上少少金箔，唔單止味道好，個樣仲好吸引！另外師傅比左兩款海膽我們試，一款是赤海膽，味道相對較濃郁，大大份嘅海膽放在壽司飯上面，食完成個口都係海膽嘅味道😍其後仲有馬糞海膽，呢個係師傅特別送比我地試下個分別，可能佢都想我地對日本食材更有了解，馬糞海膽味道無赤海膽咁濃，但會比較鮮甜。廚師還會每一道菜式都加以講解，對壽司刺身的認識及對食材的處理，絕對值得他們冠以壽司之神嘅稱號！