豆腐巴克

營業中

休息中

/阿肥🦁阿瘦🐰推介/石門一向都出名多嘢食，係沙田友嘅掃街天堂🤣。今次試咗呢間已經bookmark咗好耐嘅小店，佢係一間小食店🍡/甜品店🍰。鋪仔細細得幾個位，可以外賣。最出名嘅就係佢嘅炸芋圓😍。今次就試咗兩樣小食，都覺得十分值得推介俾大家👏🏻！🍡一口炸芋圓配煉奶 $25 🌟🦁🐰推介🌟芋圓有三隻味:紫薯💜、番薯🧡、芋頭💛，認真食嘅話都會食得出分別😌。芋圓細細粒，外面脆脆地，個心仲係非常之煙韌🤤，配上甜甜地嘅煉奶，唔會覺得油膩，令人食唔停口😍！🐥脆炸雞軟骨 $30雞軟骨炸到好香脆，表面有少少椒鹽、孜然粉，食落十分之香口😍，配埋甜甜地嘅蜜糖芥茉醬，中和返啲鹹味😌，幾好食😋。不過略嫌$30有啲貴🙈。