November (京瑞廣場) (已結業)

星期六去石門行街食嘢，同埋可以用下新攞到嘅消費券，真係零舍開心又疏肝，食飽午餐之後，周圍行吓買下野，又覺得想買杯飲品同休息吓，上到嚟商場嘅2樓，見到呢間外型好優美嘅飲品小店，見餐牌嘅價錢都幾OK，就試吓叫兩杯飲品先！黑糖珍珠鮮奶$29見到店員姐姐都好有心機整，飲品嘅賣相都唔錯，黑糖珍珠嘅份量適中，口感比較軟都夠打壓，黑糖同鮮奶嘅味都夠香濃，甜度都OK。呢個價錢都算抵飲。黑糖鮮奶咖啡$38咖啡味夠濃，唔會太甜，而且比我想像中大杯，叫咗店員姐姐少甜，所以黑糖味比較淡，作為咖啡來講都唔錯。