影片
更多
2021-07-21
1006 瀏覽
呢間之前有朋友同我推薦過👀 上次去將軍澳有經過但無試到，今次嚟將軍澳donki順便過嚟The pizza pig試埋先！話說次次經過呢間餐廳都好多人等位，所以我都預早咗少少嚟食晚餐！😛 果然唔洗排隊就入到去🙆🏻♀️餐廳裝修風格以藍、金、米色作主調，入面唔少植物作裝飾！餐廳面積較大，坐得舒服，氣氛超好而且幾熱鬧，周圍好多係同朋友聚會或者係情侶食飯，到晚餐時間佢哋會調暗燈光，都幾有情調！❤️ Signature piggie (M) $198 佢哋招牌菜就係佢哋超長pizza，Large size有30吋長😮 眼見係有一張長枱咁長！我估四個人都未必食得哂🤔 我今次就叫咗個Medium size，都有成15吋㗎🙊 叫得招牌鬼馬豬意薄餅，就知toppings 全部都係豬啦🐷 Toppings有：招牌手撕豬手、意大利香草肉腸、辣肉腸、火腿、烤燈籠椒、紅洋蔥、水牛芝士、蕃茄醬💁🏻♀️佢哋係用石爐焗pizza，正呀🥰 Pizza屬於薄批，有咬口嗰種，未至於餅乾咁薄，批邊焗到好脆，有股小麥嘅焦香！🌾 記得要趁熱食🔥 配料唔算特別有咬口，最正嘅係topping竟然仲有豬皮，充滿鹹香😛 15吋分量都幾多，我
餐廳裝修風格以藍、金、米色作主調，入面唔少植物作裝飾！
餐廳面積較大，坐得舒服，氣氛超好而且幾熱鬧，周圍好多係同朋友聚會或者係情侶食飯，到晚餐時間佢哋會調暗燈光，都幾有情調！❤️ Signature piggie (M) $198
佢哋招牌菜就係佢哋超長pizza，Large size有30吋長😮 眼見係有一張長枱咁長！我估四個人都未必食得哂🤔 我今次就叫咗個Medium size，都有成15吋㗎🙊 叫得招牌鬼馬豬意薄餅，就知toppings 全部都係豬啦🐷 Toppings有：招牌手撕豬手、意大利香草肉腸、辣肉腸、火腿、烤燈籠椒、紅洋蔥、水牛芝士、蕃茄醬💁🏻♀️
佢哋係用石爐焗pizza，正呀🥰 Pizza屬於薄批，有咬口嗰種，未至於餅乾咁薄，批邊焗到好脆，有股小麥嘅焦香！🌾 記得要趁熱食🔥
配料唔算特別有咬口，最正嘅係topping竟然仲有豬皮，充滿鹹香😛
15吋分量都幾多，我哋都食唔哂要打包🤭 拎到返屋企依然仲係脆👌🏻
❤️ Crispy Calamari $132
小食嚟講分量都幾多😆 魷魚質地軟熟有咬口，size比我平時喺餐廳食到嘅大👀 外層炸漿好薄而且酥脆，配埋面頭辣粉好惹味😋 兩款醬分別係蕃茄醬同青檸蛋黃醬，青檸蛋黃醬酸酸地幾清新～❤️ 56H Slow-cooked BBQ Beef Short Rib $248
呢道菜我個人幾推薦，有驚喜！🤩 Short rib 豐腴肉嫩，柔嫩程度係輕輕一切就切開😙 牛肉味濃郁，好入味，燒烤醬味道無得輸，好濃味但唔太鹹🐂 令人食指大動👍🏻 肉超厚多汁，分量多！配菜仲有菠菜& roasted potatoes，食完真係好飽！❤️ Tiramisu $88
Menu上寫住係 “The best in town” ，講到咁真係非試不可🙊 食過唔少tiramisu，呢個都算幾唔錯！Tiramisu有濃郁奶香，質感柔軟濕潤，甜度啱啱好😚 咖啡味同酒味都好香濃，每樣味道都好平衡🙊 啖啖滿足💕❤️ Tango $62 & Mango Mule $62
呢兩杯都係mocktail💁🏻♀️ Tango係柚子茶、西柚紅莓菠蘿汁、士多啤梨加梳打製成，菠蘿味突出，酸酸甜甜，最重要係味道唔假，唔似藥水味😼Mango Mule味道相對清新，唔會太甜，青瓜味好出，好refreshing 🌿
餐廳推薦度：⭐️⭐️⭐️⭐️ (4/5)
以海濱餐廳嚟講，價錢合理👀 食物質素唔錯，難怪門口長期都有人等位啦🤣
補返Menu👇🏻
張貼
