阿爺八鮮鍋 (已結業)

26/2 收工一行4人打電話book左9點，成個場一眼睇晒，一坐低就問你要唔要加$29任飲，咁緊係加啦因為唔加都唔知有乜飲，點知加家隔一陣佢先講得返紙包烏龍茶同無糖可樂！算！都有叫啤酒，之後就問雞煲食麻辣定芝士，揀左麻辣，後來就有刺身，蝦是腥的，其他一般般，雞煲好快就上，雞無雞味，麻辣唔麻兼唔辣。一心諗住唔好食咁多雞留肚食海鮮，第一輪海鮮 ,鮑魚識郁但絕對無擦洗過，蟹好好食但食食下有隻曱甴喺張枱度走出嚟，嚇到啲朋友大叫（因為本身驚昆蟲而無諗過會有昆蟲走出黎），我唔驚所以我搵紙巾諗住拍死佢，點知，第二隻又喺梳化走出黎，隻曱甴走左去朋友個手袋度，我一手拎起然後有服務員拎左我朋友個袋，捉走左隻曱甴，我地個個企晒起身，女服務員阿姐叫我地細聲啲唔好嘈，可能驚影響其他客人掛，咁我就話我地點繼續食呀？一陣又食食下走一隻出嚟點算，咁佢唯有幫我地掉枱，但絕無歉意，唔好意思都無講，同一行另一張卡位都要求掉枱，掉枱都搞左輪，到坐底已經換晒啲新碗，因為都唔知邊個係邊隻，我原先食緊果隻蟹無左，諗住再叫，佢話無晒，我X丫！我岩岩先開始食佢話無，豆苗無，西洋菜無，蟹無，已經無心情食落去，龍蝦係（霉）既，埋單連埋3支