影片
更多
2023-10-20
75 瀏覽
今日陪媽媽過嚟黃大仙廟走一走，之後就去食個lunch先。都未試過同媽媽食韓國野，見餐廳環境又大又舒服，就一於試下啦。。。原來餐廳而家做緊週年優惠，所以有幾款優惠嘅食物可以試下。同埋一入門口就見到有2排嘅韓服可以租俾客人。有男有女，有大人又有小朋友size都幾貼心。重點價錢唔貴25蚊就有35分鐘，25蚊着住食飯影相打卡都抵啦！小朋友衫勁可愛，影相擺甫士一流😆原來餐廳仲有個週年set，一次過試哂啲特別嘅野食。。手工燉湯呢個湯一上枱已經聞到好香，2人份都好大盅，應該每人有2碗，入面材料好多，雞肉，冬瓜，薏米。燉湯好清甜，配埋個韓國金色碗，風味一流🤤火焰濟洲柚子骨一份有5支骨，上枱果時職員會點火㗎。真係哇一聲😂啲火都燒好耐㗎，燒到好香。燒完柚子骨好熱，所以小心食。柚子骨個汁好香，又入味，食到lam lam脷。。芝士肉醬牛肋條農夫包好大份，一切開脆卜卜，連個包皮都係脆㗎，塗左牛油，所以好香好好味。入面一切開係流心，入面有芝士流心蛋，好多牛肋粒同肉醬，沾包真係讚！仲有2碗飯，我地用湯變成湯泡飯，真係好似韓國人咁食😆冰火鐵板雪糕布朗尼呢個甜品一流！個布朗尼蛋糕真係有冰火口感，外熱內凍，激濃朱古力味，
原來餐廳而家做緊週年優惠，所以有幾款優惠嘅食物可以試下。同埋一入門口就見到有2排嘅韓服可以租俾客人。
有男有女，有大人又有小朋友size都幾貼心。重點價錢唔貴25蚊就有35分鐘，25蚊着住食飯影相打卡都抵啦！小朋友衫勁可愛，影相擺甫士一流😆
原來餐廳仲有個週年set，一次過試哂啲特別嘅野食。。
手工燉湯
呢個湯一上枱已經聞到好香，2人份都好大盅，應該每人有2碗，入面材料好多，雞肉，冬瓜，薏米。燉湯好清甜，配埋個韓國金色碗，風味一流🤤
火焰濟洲柚子骨
一份有5支骨，上枱果時職員會點火㗎。真係哇一聲😂啲火都燒好耐㗎，燒到好香。燒完柚子骨好熱，所以小心食。柚子骨個汁好香，又入味，食到lam lam脷。。
芝士肉醬牛肋條農夫包
好大份，一切開脆卜卜，連個包皮都係脆㗎，塗左牛油，所以好香好好味。入面一切開係流心，入面有芝士流心蛋，好多牛肋粒同肉醬，沾包真係讚！
仲有2碗飯，我地用湯變成湯泡飯，真係好似韓國人咁食😆
冰火鐵板雪糕布朗尼
呢個甜品一流！個布朗尼蛋糕真係有冰火口感，外熱內凍，激濃朱古力味，雪糕係曲奇味，加上奶蓋，食入口唔會覺得好甜，岩岩好，不過個鐵板開一陣火就夠，如果唔係雪糕就溶哂啦。。。
400次咖啡+百香桂花烏龍茶
呢度幾乎全卡位，梳化位，坐得舒服。職員好友善，應該熟客好多，見經理好似可以同每枱客都傾計咁😆餐廳一路播住韓文歌，周圍都癡住韓國poster，大家可以過嚟着住韓服，嚟一轉偽韓風打卡。
張貼
