海景軒

營業中

休息中

姊妹淘聚會 ，今次黎到海景嘉福酒店既海景軒，環境好舒服既中菜廳，溫和既燈光令人放鬆。靜靜地坐底好有詩意既氣氛，一洗買唔到粉底既頹氣。每一道菜都好精緻，真係色香味視覺行先，即時胃口都返哂黎。酒店即係酒店，服務水準真係一流，細心又有禮貌，令人放慢節奏好放心交比侍應生去安排。個水晶牛肋肉上枱，好可愛啊，外表好似一個蒸梨咁，裝飾都好細緻，又唔會好over，好味啊，肉汁在打圈。冬坡肉好似一件小禮物咁，冬瓜令到成個口感都變得好輕，好岩美女胃口。整體食物好養眼，睇到嘩嘩聲，食下食下又到最期待既甜品，蛋白杏仁茶同埋山楂卷，太感動了，中式甜品都可以好有格調呢「轉圈撒花-ing」好正！完美既晚上。