影片
更多
2021-05-18
65 瀏覽
最近想食多啲韓國餐，所以就去咗食呢間韓國炸雞。呢一間炸雞🍗算係話比較早代嘅韓國炸雞餐廳 ，真係好似韓國本土餐廳😙，加上由韓國人打理🇰🇷，正宗韓國風味。除咗炸雞，另外都會有其他食物例如：魚糕湯、煎餅等等，仲有設外賣部😎。半半炸雞 （甜辣味+蒜蓉蜂蜜）$211其實佢有提供唔同口味嘅炸雞，例如醬油味、芝士味、甜辣味等等，仲可以揀有骨定無骨嘅炸雞。鍾意食啖啖肉嘅就揀咗無骨炸雞，再配甜辣味同蒜蓉蜂蜜味。一上碟就見到啲炸雞份量好多😂，半份炸雞都有成十件🤩。因為係兩隻味道，所以餐廳分開兩籃上。甜辣味炸雞每件都沾上甜辣汁，紅橙色，甜辣汁辣味較重。炸雞就外脆內軟，外皮脆卜卜，入面嘅雞肉仲好嫩滑，無炸過老，幾好👍🏻 蒜蓉蜂蜜汁甜甜哋，炸雞頂頭鋪咗蒜泥同蒜頭粒，建議撈勻一齊食，咁樣可以更出到蒜香。籃內有好多蒜蓉蜂蜜汁，即使炸雞被醬汁浸住都無變冧👏🏻泡菜煎餅 $128本身好鍾意食泡菜煎餅😍，呢個煎餅就啱晒。煎餅好大份，啱晒一大班人分享😛。煎餅煎得香口，有好多餸，除咗泡菜、洋蔥外，仲有魷魚。魷魚煙韌口感🦑，令成件煎餅質感更加豐富。佢另外配咗醬油，加咗會令煎餅味道更加濃香。前菜 （酸蘿蔔、椰菜）酸蘿蔔大粒爽口，真
半半炸雞 （甜辣味+蒜蓉蜂蜜）$211
其實佢有提供唔同口味嘅炸雞，例如醬油味、芝士味、甜辣味等等，仲可以揀有骨定無骨嘅炸雞。鍾意食啖啖肉嘅就揀咗無骨炸雞，再配甜辣味同蒜蓉蜂蜜味。一上碟就見到啲炸雞份量好多😂，半份炸雞都有成十件🤩。因為係兩隻味道，所以餐廳分開兩籃上。甜辣味炸雞每件都沾上甜辣汁，紅橙色，甜辣汁辣味較重。炸雞就外脆內軟，外皮脆卜卜，入面嘅雞肉仲好嫩滑，無炸過老，幾好👍🏻 蒜蓉蜂蜜汁甜甜哋，炸雞頂頭鋪咗蒜泥同蒜頭粒，建議撈勻一齊食，咁樣可以更出到蒜香。籃內有好多蒜蓉蜂蜜汁，即使炸雞被醬汁浸住都無變冧👏🏻
泡菜煎餅 $128
本身好鍾意食泡菜煎餅😍，呢個煎餅就啱晒。煎餅好大份，啱晒一大班人分享😛。煎餅煎得香口，有好多餸，除咗泡菜、洋蔥外，仲有魷魚。魷魚煙韌口感🦑，令成件煎餅質感更加豐富。佢另外配咗醬油，加咗會令煎餅味道更加濃香。
前菜 （酸蘿蔔、椰菜）
酸蘿蔔大粒爽口，真係炸雞必搭，可以解到炸雞膩感。椰菜加上千島醬，啱晒清熱😤。
整括而言，餐廳幾有韓式風味😆，炸雞同泡菜煎餅好食。餐廳份量都好多，啱晒一班朋友一齊share食雞，仲可以叫多啲小食添😉。
張貼
