影片
更多
2015-03-12
5857 瀏覽
很久很久沒有食過”放題式”韓國燒烤, 要數上一次, 都要十多年前, 當時的韓潮還未出現, 大都數的韓式燒烤都是以”放題式”經營. 價錢大概都是一百元左右, 現在的韓燒放題大多數都只是百二、三元左右, 貴過當時少少, 反而”非放題式”的韓燒就貴得多, 一碟只有三塊牛仔骨, 也起碼要收$150-$180, 而且還排隊幫襯, 真是…當潮流來到的時候, 想唔發達都唔得呀……我講韓國人呀…今晚, 專登揀了一間沒有限時的任食放題韓燒, 之前, 同事曾給予很多其他的提議, 但大多是要排隊, 多人, 等攞嘢食, 限時間…. 一句講晒: 又平又抵但又急又快”. 這種型式, 好明顯唔啱我地呢種未老先衰既中年人啦… 哈哈. 此店, 雖然價格略貴了兩成左右, 但不需要排隊等位, 無需要排隊攞食, 地方寬敞, 坐位空間舒適, 侍應唔使做得太急, 笑容自然好, 服務態度也好一些….即係…餐廳收貴一點, 客人願意付多一點, 侍應又無咁忙, 只不過比多三十元, 大家開心咗好多…..囉不單服務水準滿意, 食物質素同樣滿意, 肉類味道頗多選擇, 雞、牛、羊、豬各樣都有兩至三種味道, 有辣有唔辣, 龍利魚也好味, 夠滑,
很久很久沒有食過”放題式”韓國燒烤, 要數上一次, 都要十多年前, 當時的韓潮還未出現, 大都數的韓式燒烤都是以”放題式”經營. 價錢大概都是一百元左右, 現在的韓燒放題大多數都只是百二、三元左右, 貴過當時少少, 反而”非放題式”的韓燒就貴得多, 一碟只有三塊牛仔骨, 也起碼要收$150-$180, 而且還排隊幫襯, 真是…當潮流來到的時候, 想唔發達都唔得呀……我講韓國人呀…
今晚, 專登揀了一間沒有限時的任食放題韓燒, 之前, 同事曾給予很多其他的提議, 但大多是要排隊, 多人, 等攞嘢食, 限時間…. 一句講晒: 又平又抵但又急又快”. 這種型式, 好明顯唔啱我地呢種未老先衰既中年人啦… 哈哈. 此店, 雖然價格略貴了兩成左右, 但不需要排隊等位, 無需要排隊攞食, 地方寬敞, 坐位空間舒適, 侍應唔使做得太急, 笑容自然好, 服務態度也好一些….即係…餐廳收貴一點, 客人願意付多一點, 侍應又無咁忙, 只不過比多三十元, 大家開心咗好多…..囉
不單服務水準滿意, 食物質素同樣滿意, 肉類味道頗多選擇, 雞、牛、羊、豬各樣都有兩至三種味道, 有辣有唔辣, 龍利魚也好味, 夠滑, 也有薄切扒類.
我覺得牛仔骨好滿意, 燒烤了的牛肉配以燒過的洋蔥, 味道些少甜, 好好味, 吃了很多, 其他肉類醃製得也十分美味, 唯一可以更好的是, 豬腩肉, 實在太似未醃的煙肉, 如果設有韓式的油海鹽, 味道應該更好.
其他熱食的款式, 例如炸物, 也比想像中要多, 味道也尚好, 春卷, 年糕, 煎堆, 南瓜餅, 都是不錯, 至於其他就…. 唔使試了.
還有另一邊熱食, 三文魚頭, 味道和肉質都可以. 生菜, 爽, 唔淋, 味道不太鹹. 炒飯, 好飽, 食唔落. 炒蜆, 有些少沙, 不夠熱, 可帶回位放爐中炒兩炒, 好味好多.
生果, 橙和西瓜, 都極滿意, 橙並非十分甜, 但望落顏色新鮮, 水份多. 西瓜最正, 以為不是季節, 但食得出無落糖水(我食唔出, 但友人話食得出, 我其實唔係好信佢講...), 些微起沙, 滿意喇…
雪糕, haagen dazs?? 唔好咁大想頭… 要問一問自己: 比咗幾多錢先!? 但味道絕對比牛奶公司的優勝, 我食咗三次.
最後, 你一定會懷疑問, 我講到咁好, 以為我收咗錢?定係免費試食? 我以性命擔保, 這是我真金白銀 由銀包拿出來的現金呀!! 哈哈..
張貼
