家家芋芋

營業中

休息中

今晚去港島上堂，上完堂緊係要happy hour，唔係飲酒呀！只係約咗幾個同學仔去食糖水，甜一甜。同學仔帶咗我地去了食台灣甜品，小店整齊企理，環境光猛，坐得舒適。甜品有六個系列，仲有幾款台式小吃。我揀了<豆花年華>系列嘅自選3款配料（$40）再加多1配料，即係有鮮芋頭、桃膠、雪耳和綠茶凍（+$6）配蔗糖豆花底，好豐富。豆花好香滑，好有豆香，蔗糖唔會太甜，配甜美嘅鮮芋頭就剛好，芋頭仲好粉綿，喜歡！桃膠和雪耳份量都好足，仲好爽滑。最鍾意係滑嘟嘟嘅綠茶凍，啖啖茶香又微甜。同學仔要<仙草傳說>系列嘅鮮芋頭、紅豆、布丁（$46），再加桃膠（$8）配黑糖仙草凍冰底，都係好豐富。同學話黑糖味甜美香濃，仙草冰好滑；紅豆和鮮芋頭甜美粉綿；布丁滑嘟嘟有蛋香，加埋忌廉落去食更好味。另一同學要<鮮奶系列>嘅芋芋麻糬鮮奶（$40/500cc），內有綿綿嘅芋蓉、黏滑嘅麻糬和煙韌嘅小芋丸，奶味香濃，好食好喝。