影片
更多
2022-11-07
59 瀏覽
今日去天后探朋友，之後約老公一齊食晚飯。途經電氣道，見到之前食越南菜個位，換咗間主打傳統廣東粥麵嘅新店，反正晚餐還沒想到吃甚麼，就一於試下。店鋪面積不大，進門右手邊設有一列面壁吧檯位，而其餘位置就以圓檯及方桌為主，陳設簡約，地方乾淨企理，都坐得幾舒服。我哋每人揀左一款粥，原來凡以正價點粥/麵/飯，即可以優惠價追加一至兩款小食、油菜或腸粉等，非常抵食。及第粥 ($50) 率先送上，粥底煲得非常綿滑，而且用料十足，粉腸好爽口，豬潤甘香，豬肚軟腍，加上味道香濃嘅自家肉丸，每件鮮料都令靚粥更加味美。另外碗豬心粥 ($43) 味道亦唔錯，熱辣辣煲好拎出嚟，粥底十分綿，熬至米粒全化。豬心好新鮮，大大件，食落很有咬口，夠爽脆又無異味。加配左蠔油生菜 ($18)、蠔油冬菇 ($25)、酥炸鯪魚球 ($32) 同 炸兩 ($26)。生菜翠綠爽口，食落有菜甜味。冬菇大隻肉厚，加上蠔油嘅鮮味，好吃！鯪魚球新鮮炸起，皮脆彈牙有嚼勁，入口充滿鯪魚味，同蜆蚧醬好 Match。炸兩很鬆脆，腸粉皮好薄，點少許甜醬和麻醬吃，更添美味！意猶未盡，決定再加多碟油條 ($14)，油炸鬼新鮮即炸，脆口又冇油饐味，正。連飲品
今日去天后探朋友，之後約老公一齊食晚飯。途經電氣道，見到之前食越南菜個位，換咗間主打傳統廣東粥麵嘅新店，反正晚餐還沒想到吃甚麼，就一於試下。
店鋪面積不大，進門右手邊設有一列面壁吧檯位，而其餘位置就以圓檯及方桌為主，陳設簡約，地方乾淨企理，都坐得幾舒服。
我哋每人揀左一款粥，原來凡以正價點粥/麵/飯，即可以優惠價追加一至兩款小食、油菜或腸粉等，非常抵食。
及第粥 ($50) 率先送上，粥底煲得非常綿滑，而且用料十足，粉腸好爽口，豬潤甘香，豬肚軟腍，加上味道香濃嘅自家肉丸，每件鮮料都令靚粥更加味美。
另外碗豬心粥 ($43) 味道亦唔錯，熱辣辣煲好拎出嚟，粥底十分綿，熬至米粒全化。豬心好新鮮，大大件，食落很有咬口，夠爽脆又無異味。
加配左蠔油生菜 ($18)、蠔油冬菇 ($25)、酥炸鯪魚球 ($32) 同 炸兩 ($26)。生菜翠綠爽口，食落有菜甜味。冬菇大隻肉厚，加上蠔油嘅鮮味，好吃！
鯪魚球新鮮炸起，皮脆彈牙有嚼勁，入口充滿鯪魚味，同蜆蚧醬好 Match。炸兩很鬆脆，腸粉皮好薄，點少許甜醬和麻醬吃，更添美味！
意猶未盡，決定再加多碟油條 ($14)，油炸鬼新鮮即炸，脆口又冇油饐味，正。
連飲品都可以用優惠價加配，非常抵讚。我哋點咗凍豆漿 ($10) 同 檸樂 ($12)，豆漿香濃幼滑，順喉又有豆香，十分好喝。
張貼
