李圓圓 (寶安大廈) (已結業)

喺旺角鬧市之中，驀然回首，我發現一間叫「李圓圓」嘅舖頭，忽然諗起古代美人陳圓圓，心諗：難道李圓圓都係個靚女？🤣 不由自主咁行咗過去，呀！原來李圓圓係個冬菇頭、戴黃色帽，同小丸子有幾分相似嘅可愛小女孩😍我真係有眼不識泰山，李圓圓其實係一間來自台灣淡水嘅珍奶店，黑糖珍奶係佢哋嘅招牌飲品，我今次試飲嘅係黑糖珍珠鮮奶紅茶，踏入開始要養生嘅年紀，盡量少飲凍飲，本來想點熱，但喺店員介紹吓，我最後選擇咗室溫，飲落和暖唔會過熱，真係冇介紹錯👍🏻 飲落口，品嚐到濃濃嘅黑糖味，感覺真材實料，珍珠嘅口感煙韌，相當不錯👍🏻