金鶴拉麵 (澳門逸園中心) (已結業)

⭐️ 同事介紹金鶴拉麵話好好食，今日收工專登約朋友仔嚟試吓，餐廳環境好舒服好日本風，我哋揀咗店長推介。======= ======= ======= =======🍱 蒲燒鰻魚飯$238 (定食）係真正白玉鰻魚，鰻魚燒得顏色好靚，而且厚肉肥美彈牙，一入口感受到魚油香氣，醬汁分量亦剛剛好，日本米飯粒粒圓碌碌晶凝通透，難怪咁受歡迎；芥末八爪魚伴菜都好抵讚。🍜 龍雞白湯拉麵$138湯底順滑濃郁，雞湯呈奶白色澤，入口清甜不油膩，叉燒肥瘦適中，咬下去肉質柔軟，兩片慢煮雞肉，非常軟腍有驚喜；清甜雞湯混合叉燒和雞肉嘅油脂甘香，最後要清曬碗湯先收手，仲有炸牛蒡首次品嘗，好味又健康。🥟日式餃子$38師傅煎得適中，金黃色外皮又薄又鬆脆，完全冇油膩感，香口好味。🍳糖心蛋$15有流心感覺外表誘人，蛋黃味濃郁而且好香。