影片
更多
2023-03-31
548 瀏覽
🌟餐廳：N.28 Teppanyaki📍地址：尖沙咀棉登徑28號錦榮商業大廈地舖💰價位：～$400 - $800📱電話：2388 8990呢排返工勁忙，趁今日放假要好好獎勵自己，一於就搵返間環境寧靜舒適又高質既鐵板燒餐廳~Lunch time 約朋友仔去尖沙咀棉登徑既「N.28 Teppanyaki」，外圍裝修以日系原木風為主，入邊走時尚摩登路線，用餐氛圍一流~———————————————————今日我地揀左廚師發辦套餐 ($1380 / Person)———————————————————🌟前菜🌟🔹螢光魷魚 - 用上新鮮非醃制既螢光魷魚，鮮味十足，搭配蛋黃醬味道更濃郁~ 🔹日本天使蝦他他-賣相好精緻，上菜時更有煙燻效果，儀式感十足天使蝦他他面頭有大量日本飛魚子，食落口感一流，而且天使蝦肉質仲好爽彈，蝦味濃郁🔹北海道海膽紫菜蒸蛋- 師父即席於鐵板上蒸煮，蒸蛋火喉控制一流，入口滑順蛋漿加入紫菜提升鮮甜味，重點係上層加左好多北海道海膽，超creamy! 大滿足🔹田園沙律-沙律菜新鮮爽脆，加入日式沙律醋，微酸好開胃。———————————————————🌟時令海鮮🌟🔹清酒煮北寄貝-北寄貝厚
📍地址：尖沙咀棉登徑28號錦榮商業大廈地舖
💰價位：～$400 - $800
📱電話：2388 8990
呢排返工勁忙，趁今日放假要好好獎勵自己，一於就搵返間環境寧靜舒適又高質既鐵板燒餐廳~
Lunch time 約朋友仔去尖沙咀棉登徑既「N.28 Teppanyaki」，外圍裝修以日系原木風為主，入邊走時尚摩登路線，用餐氛圍一流~
———————————————————
今日我地揀左廚師發辦套餐 ($1380 / Person)
———————————————————
🌟前菜🌟
🔹螢光魷魚
- 用上新鮮非醃制既螢光魷魚，鮮味十足，搭配蛋黃醬味道更濃郁~
🔹日本天使蝦他他
-賣相好精緻，上菜時更有煙燻效果，儀式感十足天使蝦他他面頭有大量日本飛魚子，食落口感一流，而且天使蝦肉質仲好爽彈，蝦味濃郁
🔹北海道海膽紫菜蒸蛋
- 師父即席於鐵板上蒸煮，蒸蛋火喉控制一流，入口滑順蛋漿加入紫菜提升鮮甜味，重點係上層加左好多北海道海膽，超creamy! 大滿足
🔹田園沙律
-沙律菜新鮮爽脆，加入日式沙律醋，微酸好開胃。
———————————————————
🌟時令海鮮🌟
🔹清酒煮北寄貝
-北寄貝厚肉夠大件，肉質彈牙，搭配柚子皮及法國蔥，食落更清新提鮮~
🔹鹽焗日本粒貝
-原隻粒貝即席焗制，用鹽焗夠哂原汁原味~
粒貝肉質爽口有嚼勁，好鮮甜~
🔹北海道帆立貝
-帆立貝份量十足，肉身飽滿醬汁用上法國羊肚菌配鮟鱇魚肝，味道相當濃厚，配帆立貝一流！仲有新鮮紫蘇花伴碟，食落香氣十足
🔹南非鮑魚
-南非鮑魚出名夠大隻又厚肉特別一讚師父處理鮑魚好出色，肉質鬆軟得黎又彈牙，口感一流，上層仲加左番紅花，帶點獨特香氣
🔹鐵板銀鱈魚
-銀鱈魚外皮煎至脆卜卜，夠香口魚肉油脂豐富，啖啖肉好juicy，伴以有馬山椒汁，同銀鱈魚好match，又可以解膩，相當出色
🔹鐵板虎蝦
-巨大既虎蝦好吸睛蝦身煎至外脆內軟，爽口彈牙蝦頭內既蝦膏好澎湃，呈橙紅色，夠新鮮！味道好濃厚醬汁仲用左海膽松露醬，成個組合好夾，大推
———————————————————
🌟鐵版燒主菜🌟
🔹法國鵝肝配日本山藥餅
-估唔到仲有鵝肝，今餐真係好滿足~
鵝肝油香十足，外層焦脆，咬落入口即溶，搭配日本山藥煎餅，醬汁加入意大利黑醋及新鮮雜莓，中和油膩感，呢個組合好balance，值得一試~
🔹宮崎A5和牛
-主角出場，呢度提供既宮崎A5和牛好高質~
和牛煎至7成熟，肉質粉嫩juicy，油脂分佈一流牛味濃郁! 師父亦準備左昆布鹽、淡雪香草鹽、自家製麵豉醬及炸蒜片，令每一件和牛都可以體驗到唔同既味道，好正
🔹海膽蟹肉釜飯
-呢個釜飯真係超好食！師父以和牛油脂炒香香，加入日本米飯、雞蛋、櫻花蝦及蔥花，香噴噴~最後再放入海膽及蟹肉加熱蒸焗，材料好豐富而且賣相又靚，大推！
———————————————————
🌟季節湯🌟
清酒煮地蛤湯
-最後師父用上巨型地蛤加入清酒煮制鮮甜十足既季節海鮮湯地蛤肉質厚身啖啖肉，又帶點海水既咸鮮味，湯底好清甜
———————————————————
🌟甜品🌟
時令既靜岡蜜瓜入口軟嫩多汁，好滋味~ 至於日本士多啤梨就一貫香甜～
———————————————————
😋味道：4.5/5
🏢環境：4/5
💁🏻♀️服務：4.5/5
💵價錢：4/5
🤟🏻性價比：4/5
———————————————————
👅整體小總結
真心要讚一讚呢間鐵板燒餐廳除咗材料非常豐富，師父烹煮技巧亦好出色，每道菜式都用心主理而且細心介紹，令我地食得好盡興!
張貼
