點心到 MIX·大排檔

營業中

休息中

其實呢一間之前都已經食過，性價比真係極高，而且個廚師煮得真係好好食，今次姊妹生日七個人，因為要早啲食，佢哋可以5:15就開始下單，所以我哋呢個早來嘅晚餐就可以喺度進行啦，結果我嗌咗六個菜，有魚香茄子煲，鹹魚芥蘭煲，冰鎮咕嚕肉！三色蒸水蛋，桂花黃金蝦，同埋秋葵菌豆腐，唔使講冰鎮咕嚕肉係佢哋嘅王牌，另外個三色蒸水蛋都蒸得好滑，全部都好好食，但係非常之可惜，店員服務態度非常之差，我啱啱去到嘅時候，店裏面係未有人因為實在太早，只不過係5:00pm,我人有三急馬上去咗廁所，當我見到女廁公仔見到道門閂咗，我唔知佢係推拉定係點樣開，原來係一個趟門，因為真係唔知佢道門點開 ，我唔知道入邊有人，我試咗兩次都開唔到，我就企喺門口等，結果入邊有個喺度做嘅阿姐走出嚟，就不停咁鬧我，話我死拉爛拉到門 ，其實我真係唔知道原來得一格廁所，而且佢道門嘅結構，我都唔知點開，更加唔expect有人喺入邊，因為成間餐廳根本冇人，都唔使咁樣係咁鬧我，雖然有啲唔開心，但係都算啦，坐返埋位食嘢嘅時候發現呢個阿姐見人就鬧，服務態度非常之差，開頭以為佢係洗碗所以先至咁冇禮貌，原來佢係幫手落單，佢唔係淨係鬧我一個，佢係連其他國內遊客都