韓閣 (已結業)

黃大仙目前食過最滿意嘅餐廳😆估唔到會係韓國菜🤣必試芝士岩漿飯、牛肉Pizza、400次咖啡。芝士岩漿炒飯芝士多到，唔係講笑，四邊都係，但飯嘅份量都好足，入面有泡菜、腩肉、洋蔥等，撈完啲芝士之後好好味呀，真係忍唔住狂食，記得搵人share呀🤩韓式醬燒牛肩肉薄脆批pizza都有驚喜，餅底勁脆，好似餅乾嘅口感，重點係上面啲牛肉調得好好味，而且一啲筋都冇，好易咬，加上好多芝士，正😆紫菜肉鬆蛋餅蛋餅，有幾種選擇，我要咗最基本又係我最鍾意嘅組合，肉鬆紫菜，份量又係好足，蛋有層次，唔乾，整得幾juicy，上面舖滿紫菜，都非常唔錯🙂400次咖啡又係驚喜之作，勁濃稠，好似奶蓋嘅口感，好正，就咁食會偏甜，所以我就撈埋啲鮮奶一齊飲，好好飲☺️佢lunch set仲可以加錢加小食同甜品，我哋加咗兩串雞肉，都好入味，連啲蔥都好味。甜品都幾多選擇，首先揀個底，我哋要咗抹茶凍牛奶，之後仲可以揀三種配料，貪心嘅我要咗兩份雪糕😂真係食得好過癮。