八方台式麵屋 (九龍城廣場)

營業中

休息中

通常去得九龍城都係食泰國嘢， 好少人會諗住食台灣嘢， 不過呢間台灣嘢食落真係好似台灣風味。 我平時好鍾意去台灣玩， 好鍾意食牛肉麵，但係好多時候香港食唔到台灣嘅花枝丸風味。今次我最鍾意食嘅係個花枝丸同埋大腸包小腸入面嘅腸😊 因為嗰隻香辣胡椒粉真係台灣食嗰款，食落係香帶少少甜辣。牛肉麵我就覺得牛筋好夠味，麵都屬於正常。 肉燥飯醬肉同飯嘅比例啱啱好😊 最鍾意食落甜甜地又好夠濃味。另外飲咗兩杯飲品，見佢又台式飲品外賣部， 我現在杯黑糖烏龍鮮奶個味都幾特別， 另外朋友叫咗杯茉莉綠茶都係正常少甜。整體嚟講冇得去台灣時，過嚟食下過下癮都唔錯