馬拉Go (已結業)

對於土瓜灣都唔太熟嘅我哋，想搵食都係網上睇吓先，自從上次去完馬拉個咖央多士同咖喱麵勁好味，就一直念念不忘，見到有馬拉餐廳，二話不說要去試吓佢。首先講吓佢嘅嘢飲先，個咖啡勁香濃，而且又唔會好甜，奶茶茶味香濃又滑，佢似係整好咗，放入雪櫃整凍佢，唔會加冰所以無淡味左。檳城椰香咖沙好吸引，有燒豬頸肉同埋蝦，睇得出有用心嘅燒😍咖沙湯超濃郁，啱晒重口味嘅我，材料都好豐富，有一條條既魚片，豆腐卜，溏心蛋，豆芽。斑蘭麥脆咖央多士之前係馬拉有食過，真係好好食，班蘭味配搭牛油同咖央醬好夾，而且脆卜卜，又唔會太甜！同我係馬拉食既味道一樣😆香港反而好少食到咁正宗。咖喱牛腩佢個咖喱好香濃，唔會好奶，真材實料👍🏽點菜個陣會問我地食唔食辣，我地好鐘意食辣所以呢款對我地黎講係岩晒口味！如果唔食辣既朋友老闆都會迎合口味唔放辣，鍾意食辣咖喱嘅朋友唔可以錯過呢款，牛腩炆得好淋，薯仔都軟熟有少少薯蓉嘅口感配搭埋咖哩好好食😋呢間嘅咖喱真係唔可以錯過！