影片
更多
2022-02-28
219 瀏覽
合興車仔麵今日一早約咗朋友行山，行之前梗係要食飽個肚先起行啦。咁我地揾咗冇耐就行咗入合興車仔麵食個午餐。由於係疫情期間，好少人選擇堂，但店外既外排隊買外賣既人係冇停過既。而係疫情呢段時間佢地都推出咗抗疫麵餐，好抵食！合興比食客揀餸既種類正常，而湯底方面就可以選擇清湯，滷水汁，腩汁同埋辣汁。行山之前我地都唔食得太油膩，廢事行行下要揾廁所，所以我地咗滷水油試下。 ps 我地見到有人叫咗大辣，湯底呈深紅色，而且睇落好杰身下，喜歡食辣既朋友可以試下！咁我自己就揀咗韮菜餃，芝士腸同埋豬大腸，而男朋友就叫咗芝士丸，滷水豆腐同埋豬脷。落單後十分鐘到就上枱啦。芝士腸品質正常。韮菜餃都算幾大隻，肉眼睇都見到佢好飽滿，食落韮菜味幾香，但入面有少少木耳絲，可能係為咗增添少少口感，但我覺得韮菜加豬肉已經係perfect match，有木耳返而冇咁好味。而豬大腸，品質好好，大腸入味之餘亦唔會太韌咬唔開，推薦大家食！而男朋友果碗，芝士丸正常。豬脷份量幾多，而且豬脷都幾厚切，厚得黎唔會太韌，幾好食。而滷水豆腐幾有驚喜，豆腐外皮有好香滷水味，豆腐本身亦散發好明顯既豆味。豆腐好新鮮，唔會一夾就散，推薦大家試下！男朋友仲
今日一早約咗朋友行山，行之前梗係要食飽個肚先起行啦。咁我地揾咗冇耐就行咗入合興車仔麵食個午餐。
由於係疫情期間，好少人選擇堂，但店外既外排隊買外賣既人係冇停過既。而係疫情呢段時間佢地都推出咗抗疫麵餐，好抵食！
合興比食客揀餸既種類正常，而湯底方面就可以選擇清湯，滷水汁，腩汁同埋辣汁。行山之前我地都唔食得太油膩，廢事行行下要揾廁所，所以我地咗滷水油試下。 ps 我地見到有人叫咗大辣，湯底呈深紅色，而且睇落好杰身下，喜歡食辣既朋友可以試下！
咁我自己就揀咗韮菜餃，芝士腸同埋豬大腸，而男朋友就叫咗芝士丸，滷水豆腐同埋豬脷。落單後十分鐘到就上枱啦。
芝士腸品質正常。韮菜餃都算幾大隻，肉眼睇都見到佢好飽滿，食落韮菜味幾香，但入面有少少木耳絲，可能係為咗增添少少口感，但我覺得韮菜加豬肉已經係perfect match，有木耳返而冇咁好味。而豬大腸，品質好好，大腸入味之餘亦唔會太韌咬唔開，推薦大家食！
而男朋友果碗，芝士丸正常。豬脷份量幾多，而且豬脷都幾厚切，厚得黎唔會太韌，幾好食。而滷水豆腐幾有驚喜，豆腐外皮有好香滷水味，豆腐本身亦散發好明顯既豆味。豆腐好新鮮，唔會一夾就散，推薦大家試下！男朋友仲話第一次食車仔麵有擺盤，咁佢碗麵又真係擺得幾靚仔既。
麵既質素正常，滷水湯底唔要過咸，湯頭反而有少少甜味，而滷水亦好香，好好食！
張貼
