阿來泰式地道風味

營業中

休息中

都諗唔起幾耐冇食過泰國嘢喇！聽朋友講旺角附近有間正宗嘅泰國餐廳, 咁耐冇食泰國嘢嘅我當然唔要去食下試下睇下有幾好味啦...依家餐廳喺先達廣場隔離街, 好方便好易搵, 去到咁啱有張枱系舖尾等唔切入去坐低已經急不及待嗌嘢食, 因為都已經八點鐘好肚餓啦！拎起個餐牌真係眼花繚亂好多嘢都想食真係要諗下食咩先, 同個朋友傾完之後諗諗下都係嗌啲大路嘢重口味嘅嘢食, 於是乎我哋就嗌咗 泰式香芒蟹肉炒飯, 豬頸肉炒通菜同埋我哋至愛嘅特大冬陰功湯, 見到個柚子沙律好似好正所以叫埋一齊, 當然唔少得嘅係一年一杯嘢飲啦！ 我哋仲嗌咗龍眼冰同咸檸七添... 派咗一陣已經即刻上咗兩杯嘢飲畀我哋跟住嚟嘅就係大大碟嘅柚子沙律, 啲柚子沙律有幾隻大蝦仲有酸汁真係好惹味好開胃, 接住嚟嘅係香芒蟹肉炒飯啲芒果肉超甜蟹肉又多啲炒飯又唔硬真係好好食, 接住上嘅係通菜炒豬頸肉啲豬頸肉好大舊通菜好好味好翠綠好新鮮, 啱曬我呢啲懶人唔鍾意照硬嘢！最尾上嘅係我同我朋友嘅至愛冬陰功湯, 湯底真係好好味啱曬我呢啲唔可以食得太辣嘅人又多蝦又有好多舊秀珍菇做配料, 又有大蔥同蘑菇真係好惹味好吸引！朋友果然冇介紹錯下次都要嚟幫襯多次啊.兩個人加