影片
更多
2005-05-23
15 瀏覽
星期五晚，同老友o係銅鑼灣行街買野，攪到成九點幾至去食飯。由於天雨人多，所以決定由祟光地下「捐」過去隔離金百利，求其搵間餐廳食飯。本來想食越南野，但實在太多人，而且非常嘈雜，「裝」下隔離間新派香草日本野，見壽司檯前o既係兩個睇落好唔可靠o既哥仔，就決定再上幾層搵下。最後黎到呢間自己佔左全層o既泰國野，由於兩個人都已經好疲累，見唔駛等，就是但入去坐啦！入到餐廳，見人都唔少，我地被安排坐o係一個L型卡位度。環顧四周，見呢度o既裝修都幾「騎呢」，重有個泰藉歌手唱住日文歌添！打開餐牌，見食物都係走fusion路線，為安全計，兩個人只係叫左清炒雜菜、胡椒軟殼蟹同香葉肉碎炒飯。等左大半個鍾，個清炒雜菜終於上檯，內容亦真係好雜下，咩菜都有D，而且落左唔少香料如南薑絲、鮮胡椒粒等，味道食落亦幾OK，不過完全食唔倒眼見果D香料o既味道喎！胡椒軟殼蟹上面舖滿左炸脆o既胡椒蒜茸，賣相唔錯，蒜茸夠香口但偏鹹，D軟殼蟹就係凍o既！香葉肉碎炒飯面頭舖左隻煎蛋，賣相似印尼炒飯，食落唔會太油，，亦見倒有落香葉同辣椒絲，不過完全唔辣，亦食唔出有香葉味囉﹝只有咬倒片香葉時至有香葉味﹞！整體而言，餐飯又未到好難食，不過完全
入到餐廳，見人都唔少，我地被安排坐o係一個L型卡位度。環顧四周，見呢度o既裝修都幾「騎呢」，重有個泰藉歌手唱住日文歌添！打開餐牌，見食物都係走fusion路線，為安全計，兩個人只係叫左清炒雜菜、胡椒軟殼蟹同香葉肉碎炒飯。等左大半個鍾，個清炒雜菜終於上檯，內容亦真係好雜下，咩菜都有D，而且落左唔少香料如南薑絲、鮮胡椒粒等，味道食落亦幾OK，不過完全食唔倒眼見果D香料o既味道喎！胡椒軟殼蟹上面舖滿左炸脆o既胡椒蒜茸，賣相唔錯，蒜茸夠香口但偏鹹，D軟殼蟹就係凍o既！香葉肉碎炒飯面頭舖左隻煎蛋，賣相似印尼炒飯，食落唔會太油，，亦見倒有落香葉同辣椒絲，不過完全唔辣，亦食唔出有香葉味囉﹝只有咬倒片香葉時至有香葉味﹞！
整體而言，餐飯又未到好難食，不過完全談不上係泰國菜，個廚亦幾不濟咁啦！如以泰國菜黎評分，係完全唔及格，如當食茶記o既新酉，又似乎唔值呢個價錢囉。個人而言就真係冇下次啦！
張貼