先講總結︰
食物大致上性價比高；可惜餐廳清潔問題相對嚴重，題外話框中有說明。
下午茶時段雖然經OpenRice 訂座有85折，但只有90分鐘用餐時間，適合小聚暢談，而且男店員對客態度真係好差。
食物方面 - 吃吧招牌拼盤︰
仙氣六宮格，木製擺盤充滿煙燻香。女店員細心查問確認，打開盒蓋前都會提示客人預備影相／拍片。
六款小食不過不失，甜芒大蝦梳打餅最唔夾，其他黑松露蛋、兩味芝士（車打及藍芝士選件不錯）、巴瑪臣火腿哈蜜瓜（清甜）、溫室荳苗煙三文魚脆皮鐽（酥脆）及枝豆（無調味），味道算ok。
慢煮甜酒燴和牛面頰︰(推介)
牛面頰有兩大件，炆到好似牛腩咁鬆軟嫰滑，完全無筋而且脂肉比例均勻。
配菜荳苗新鮮爽脆，香濃草青味更加減低牛油膩感。
底層幼滑薯蓉，入口即溶，再吸收晒所有牛肉醬汁更加惹味。
墨西哥粟米片(牛肉)︰
蕃茄肉醬配牛油果蓉墨西哥脆片，舖上辣椒粉微辣開胃，蕃茄酸度平均，配清淡奶香酸忍廉平衡重口味。
因為醬太多太厚身，底層墨西哥脆片好快就浸到淋晒，建議醬汁另上會好好多！
手工啤酒︰
偏甜，小麥味濃，經微酒精，適合女生。
