酒店唔係近海洋公園地鐵站，要喺地鐵站再轉一程接駁巴士，不過班次尚算頻密，而且好快就去到。酒店好大，間餐廳都好大，一入到去落地大玻璃，樓底又高，非常之舒適嘅用餐環境。我哋喺自助餐開始嘅時候已經進場，睇住自助餐餐枱上面嘅食物，就咁樣行一轉已經行咗5分鐘！
冷凍海鮮好豐富，任食波士頓龍蝦、阿拉斯加長腳蟹！ Ham and cheese非常之多選擇，應有盡有。有刺身吧，長期都排着隊，非常之受歡迎。亦有即場燒烤，我就最鍾意食燒雞翼，熱辣辣脆皮，非常之香。
西餐仲有我最鍾意食嘅地中海識煮sea bass，又有Carvin Station ，牛、豬任君選擇 。中餐都有，點心燒味，竟然仲有燉湯，椰子燉雞湯，正呀！印度咖喱都唔錯。另外仲有少少土耳其嘢 ，kebab 一般般 。
甜品真係好多選擇，好想每樣都食，但係已經飽到郁唔到啦，成個蛋糕櫃都係我鍾意食嘅口味！雪糕有Movingpick，小朋友做愛。
一定要再搵個機會再嚟，下次可能會考慮staycation，反正都嚟到咁遠嘅地方，不妨留耐啲啦！
1
