神戶屋日韓放題

營業中

休息中

今日同friend去旺角兆萬中心既神户屋日韓放題開餐。6點後入座 $296/位再加一，8點去到好旺場，好彩有book枱。坐低個肚餓到咕咕聲，有理無理即刻寫紙點了三文魚刺身，甜蝦刺身，北寄貝刺身，泰式生蝦刺身，象拔蚌剌身，鮑片刺身，覺得都幾新鮮。食完一輪刺身就叫壽司、手卷，例如牛油果軟殼蟹卷、極上鰻魚手卷，都幾好味～另外避風塘一口豆腐都好香口，會追食；日式味噌火鍋，好似迷你形嘅sukiyaki，甜甜地幾好食～食完日式料理跟住就食韓式料理，除咗韓國人蔘鷄湯仲有帶辣嘅辛辣牛柏葉同招牌炒蜆，好彩汽水飲料任飲，可以解辣～食得仲未夠喉，再叫芝士日式年糕、日本一口薯、榴槤炸彈、雪糕做甜品夠晒滿足抵食！