盛記

營業中

休息中

為慶祝週末o既來臨，所以出街食飯。太太最近响呢頭返工，順理成章嚟呢度搵食。叫咗：大眼雞豆腐白菜湯、枝竹牛腩煲、椒鹽鮮魷，最後貪心叫多個豉椒花甲添我平時唔鍾意食魚，但呢個大眼雞湯好甜，見佢唔係落咗好多薑，但係凍咗都唔覺腥，真係唔知佢點煮！？總之正斗！牛腩煲份量超強，炆得好腍好入味，不過咸咗啲，一定要送飯。其中牛筋好有質感，好有o趙頭！椒鹽鮮魷好多人推介，但食落又唔係咁出色。雖然細細仔，肉質算豐厚，只不過味道一般。個人唔係咁識欣賞。豉椒花甲，勝在冇沙！p.s. 好在行快一步，6:30已經要等位，的確幾誇張。街邊檔，環境可以想像，不過，俾煙民圍攻，想唔俾低分佢都唔得。