燒味滷師 (大廈街)

營業中

休息中

燒味食完一轉又一轉，真係唔會厭架，今次燒味滷師係荃灣開新分店，再向燒味進發！至尊燒鵝(上庄) ($110)食燒鵝，就真係想揀上庄，實肉味道口感好，一口咬落最多肉既部份，仲有滿滿鵝油，香口皮脆。燒味佬叉燒 ($40)叉燒不能過肥又不能過瘦，燒味佬叉燒肥瘦剛剛好，唔會乾柴，肉質相當細緻！客家鹽焗雞(半隻) ($30)鹽焗雞全家人都可以食，好有咬口，咸咸地非常岩口味。泰式鳳爪拼海蜇 ($45)微辣既鳳爪，爽口彈牙既海蜇，冷盤非常開胃，送飯一流。到現場真係超多人排隊，最緊要平靚正，等陣外賣都值得既，即刻拎返屋企同家人分享。