ROYAL INN

第一次行入黎皇室堡食嘢估唔到呢度有間咁靚嘅餐廳。由Royal INN嘅門口就已經見到個大大花圃噴水池，一眼就引左我地入去。入面裝修得實在太靚，置身園藝庭院嘅氛圍中食個靚靚晚餐，好享受。頭盤食個普通啲嘅「布袋芝士沙律」，火箭菜唔太多，反而多左好多唔同種類嘅熟番茄，個配搭好有新意。主食就叫服務員推介左呢款「法式大蒜蘑菇忌廉烤雞」，佢話份量兩個人食都夠。上黎以為係燉雞，但係真係烤雞，底下鋪滿蘑菇同細細粒嘅烤薯仔，再浸上大蒜忌廉湯，唔會好似齋食烤雞咁油膩。食落係好有層次感，唔錯。甜品「藍莓醬巴斯克芝士蛋糕配雪糕」份量真係嚇親我地，以為係細細份蛋糕仔上面加個雪糕。估唔到個雪糕係出面兩球雪糕嘅份量，食得好開心。