呢間位於近觀塘工廠區的台式料理店，最近睇到唔少人post咗佢地既巨無霸炸雞，佢哋聲稱係「全港第一」巨無霸炸雞～所以決定黎一試～
1
5
12
炸雞上枱時，真係有d嚇親，第一次見到成隻炸雞咁上，店員會比手套同刀用黎拆雞，但因為真係成隻咁炸起，好熱辣辣，拆開時真係有啲難度，都拆左成5分鐘有多先食到😅撕開雞肉時，好多肉汁流出，好誇張，啖啖都係鮮嫩多汁。
如果想食得方便啲、斯文啲，可以試下佢哋嘅鹽酥雞粒，鹽酥雞炸得粒粒酥脆，仲可以加佢哋獨特嘅芥末椒鹽粉或者青檸粉，味道好特別，超好食！
另外，佢哋嘅巨無霸鹽酥豬扒飯都好值得一試。見到嗰塊豬扒，我真係驚訝到！原來豬扒下仲有多一層，兩層豬扒鋪滿整碟飯，份量真係超有誠意
我地去食時係夜晚，原來下午去，仲可以有免費任飲冬瓜茶同綠茶，唔洗加錢叫～
