霸嗎拉麵 (已結業)

本小姐好耐冇食🍜，朋友介紹之下決定試下呢間 - 霸嗎拉麵。今日返工已經好攰，平時又要扮 cute 氹下啲男上司，約好咗8點食，肥Ben竟然 OT 到 830，搞到我自己 shopping 忍唔住買咗好多嘢，結果9:00先有得食，今餐一定佢請！霸嗎拉麵嘅人招牌就係佢嘅豬骨同白湯拉麵，照舊啦我同肥Ben 一人一碗，試晒佢兩碗招牌，再加多個炸雞小食。要先讚一讚佢裝修，非常地道，啲人講晒日文咁好有禮貌，唔講真係以為去咗日本。Anyway，嘢食過咗一陣就送到，熱辣辣嘅拉麵真係望住都開心豬骨湯拉麵，味道好濃郁，有水準，豬肉叉燒好肥美好淋我會比8.5分 （好高架啦）炸雞小食新鮮，即叫即炸，多汁得嚟外脆來軟不過！！重點嚟啦！！佢嘅白湯雞拉麵！！湯底好香好 creamy，好似去咗半島法國餐廳飲湯咁。如果有法式蒜蓉包點嚟食就 perfect雞髀肉叉燒都好軟好滑， 個人認為佢嘅白湯拉麵係我咁大個女食過最正嘅拉麵。（10／10）本來諗住同肥Ben share 兩碗麵，結果我淨係俾佢食咗一啖，自己食晒成碗。食豬骨湯食到悶嘅朋友仔不妨嚟試試佢嘅白湯拉麵