佰味山西刀削麵

營業中

休息中

大埔，多數係踩單車先會去，但今次係做嘢，當然要周圍搵吓好嘢食。行嚟行去，望嚟望去，兜咗幾個圈，終於決定食呢間即叫即拉刀削麵。間鋪好新淨光猛無咩人，相比嗰一帶其他食店，感覺安全好多，每一枱仲有酒精搓手液。至於碗麵只係$38，份量夠哂，麵條當然有口感，湯底都唔錯，水餃有4隻但就一般般因為唔係韭菜餡，應該麻辣或者口水雞會出色d。最後先發現原來呢間係開咗唔係好耐，唔怪之得咁新又乾淨，難得嚟到大埔咁都算搵到好嘢。