影片
更多
2015-10-08
2566 瀏覽
今日有位老友升左職，而呢位老友想要食日本菜，但又唔想去果啲大件夾抵食果啲放題店喎，唯有到周圍搵下喇，跟住見到佢元朗屋企附近有間口碑唔錯嘅叫做「壽司の神」，佢睇完之後就話一直都想試下，於是我就直接打電話去訂座喇。去到果度先慶幸好彩自己有預先訂座，原來店位置唔算大，我地入左之後見到有唔少食客因無訂座而無得食。之後我就開始睇下餐廳有咩食咁，餐牌分左兩種，餐廳原來有「松」、「竹」、「梅」三款套餐，亦有得散叫。正如頭先講套餐分為：「松」、「竹」、「梅」三款。價錢$700-$1000不等，後我們決定要一份套餐「梅」分著吃，再另外散叫幾款小吃，主要係享受食物……前菜 - 蒓菜醋、明太子薯蓉、蛋黃菜菠菜叫左野之，首先就為我地送上一份前菜，兩只杯真係好靚，第一次食到蒓菜醋，感覺好冰涼，內裏是蒓菜，入口帶點口感，而透明的液狀體，有小小黏口並帶點微酸明太子薯蓉薯蓉好幼滑，味道夠濃，而上面就放左少少松露醬，感覺特別。蛋黃醬菠菜切得整整齊齊嘅菠菜，色澤鮮嫩，入口清爽，加上了蛋黃醬，味道不算太濃，但為菠菜增添了一份獨特嘅色彩。蟹籽青瓜沙律 -師傅係我地面前一手拎住刀，一手拎住青瓜，將青瓜切成幼條再加入了大量伴入蟹
去到果度先慶幸好彩自己有預先訂座，原來店位置唔算大，我地入左之後見到有唔少食客因無訂座而無得食。
之後我就開始睇下餐廳有咩食咁，餐牌分左兩種，餐廳原來有「松」、「竹」、「梅」三款套餐，亦有得散叫。正如頭先講套餐分為：「松」、「竹」、「梅」三款。價錢$700-$1000不等，後我們決定要一份套餐「梅」分著吃，再另外散叫幾款小吃，主要係享受食物……
前菜 - 蒓菜醋、明太子薯蓉、蛋黃菜菠菜叫左野之，首先就為我地送上一份前菜，兩只杯真係好靚，第一次食到蒓菜醋，感覺好冰涼，內裏是蒓菜，入口帶點口感，而透明的液狀體，有小小黏口並帶點微酸
明太子薯蓉薯蓉好幼滑，味道夠濃，而上面就放左少少松露醬，感覺特別。
蛋黃醬菠菜切得整整齊齊嘅菠菜，色澤鮮嫩，入口清爽，加上了蛋黃醬，味道不算太濃，但為菠菜增添了一份獨特嘅色彩。
蟹籽青瓜沙律 -師傅係我地面前一手拎住刀，一手拎住青瓜，將青瓜切成幼條再加入了大量伴入蟹柳、蟹籽及沙律醬就完成喇。呢個蟹籽青瓜沙律入口清涼又夠爽脆，每啖沙律都有蟹籽，第一次有人係面前即整蟹籽沙律，感覺真係好正。
左口魚刺身 -我地叫嘅套餐「梅」一共包括有5款刺身，師傅切出了一片薄片左口魚刺身給我們品嘗，旁邊仲有一件比較厚切的。薄切左口魚可以點上餐廳提供嘅醋汁提味。沾上醋汁後薄切左口魚感覺清爽。而厚切左口魚口感相對彈牙，魚味不算太濃。
八爪魚刺身 - 兩片八爪魚上面放左柚子皮及辣蘿蔔蓉，同樣加入左少少醋汁，八爪魚口感較韌，帶點微鹹及鮮味，味道比一般食到嘅八爪魚刺身更帶有一份鮮味。
帶子天婦羅 – 係呢度食野真係不可不提呢度嘅招牌帶子天婦羅，帶子加上天婦羅脆漿後炸成金黃，再用一張紫菜包好，而帶子則就要保持半生熟狀態，外層脆皮又薄，帶子鮮甜富彈性，而帶子雖然還是半生熟的但卻傳來陣陣誘人的香氣，真係令人超滿足。
瘦拖羅之後拖羅就終於上枱了，仲要有一肥一瘦可以試下。切好拖羅後，師傅再係拖羅上面即時磨出岩鹽碎粒。瘦拖羅色澤較深，表面有亮澤，充滿左魚脂香，入口軟滑。
肥拖羅
肥拖羅色澤粉嫩，清楚睇到魚身嘅油花，入口拖羅就完全融化係口，真係超正呀喂。
赤𩶘壽司我地個套餐食完5款刺身後，跟住就有7款壽司了～赤𩶘肉質較為厚實，入口帶少量油香，口感不算太突出
銀雪魚壽司雪魚面𠝹了一條條嘅紋路，表面燒至微微焦面，師傅之後再加上左京蔥同芥未碎碎，入口有融化嘅感覺，加埋火炙香同油香，令人回味無窮。
池魚壽司池魚賣相非常漂亮，師傅加入左紫酥葉及薑粒。池魚肉質較軟身，不過我都幾鐘意呢種順滑嘅感覺。
沙甸魚壽司 ，這個師傅用左唔小時間先整完，因為要慢慢起骨，將一條條嘅幼骨拔掉，再加埋蔥花及薑蓉。看到佢用左咁多心思，已經加晒分喇，食落去肉質雖然淋身，無想像中咁驚喜，但係不失為一件好嘅壽司。
鹽水海膽壽司一般常食到海膽都係一板板咁，呢款就浸在膠盒內，色澤亦無平時果啲咁鮮艷。之後師傅介紹話原來呢種係鹽水海膽，因為無用防腐劑，所以要用鹽水做保質之用。雖然海膽無平時果啲咁鮮艷，但甘甜鮮味則更勝平時果啲
象拔蚌壽司師傅把象拔蚌切開包住壽司飯，再係背部切出花邊位，雖然外,面睇落平凡，但入口鮮甜非常，相當唔錯
沙甸魚壽司 ，這個師傅用左唔小時間先整完，因為要慢慢起骨，將一條條嘅幼骨拔掉，再加埋蔥花及薑蓉。看到佢用左咁多心思，已經加晒分喇，食落去肉質雖然淋身，無想像中咁驚喜，但係不失為一件好嘅壽司。
拖羅蓉手卷師傅將拖羅整成免治咁樣，內裏仲有加入左紫酥葉、芝麻及黃瓜碎粒。壽司飯及餡料分佈好平衡，唔會食黎食去都只係得壽司飯。而拖羅入口蓉淋淋的，脆身嘅黃瓜粒為呢個手卷增添左一份口感，所有野夾埋令呢個手卷入口又香口又好味
香煎鵝肝我地套餐「梅」裡面包括一份和食，於是我地就簡左鵝肝，師傅將鵝肝煎到帶點焦，令表面有點油膩。但鵝肝入口外脆內軟，入口即溶，配上師傅特配嘅醬汁一齊食，味道更加正
馬頭魚甘雕魚日清湯湯內有一大塊嘅魚，肉質都算嫩，口感豐富，味道較淡，沒有我最鐘意麵豉湯果種鹹味，不過有種清甜嘅感覺，都算唔錯
宇治抹茶紅豆布甸最後當然還有甜品啦，可能因為抹茶嘅關係，外觀睇落顏色幾深下，味道有小小微苦，布甸入口香滑仲帶有奶香，而底部有紅豆，食左咁多野，食番個輕盈嘅岩岩好喇，所以真係非常好。
食完呢餐真係超滿足，不過唔止野食方面，都真係第一次咁樣食住日本料理同師傅交流，學到野之餘又食到咁好味嘅野，下次有時間都要再黎先得。。。
張貼
