厚福館 (南角道) (已結業)

上星期六約咗一班朋友去打邊邊，今次去咗一新嘢，唔係平時放題，食飽就算嗰D all u can eat.今次嚟間佯厚福舘，係九龍城。 好耐冇去過九龍城食飯，都幾懷念嚟個地方，舊朋友，舊事情，舊味道......尋找舊味道當然要同一班舊朋友一齊揾啦，叫咗個佛跳牆湯底，真係豪呀😊😊，打邊邊點可以冇牛牛呢，一班牛精又點會只叫一碟牛呀，有一級本地手切牛肉，同埋食家牛肉刺身😜😜😜，我哋真係興奮到係個心到笑出嚟，生牛肉呀，癲咗！！！生牛肉真係人間美食，入口溶化，好似入咗仙境咁。 手切牛肉好"冧"，一D都唔韌，好牛好牛！除咗牛牛外，又有左口魚刺身，我就未試過左口魚刺身，原來肉質好爽，好甜，淥咗亦非常鮮甜，店主推介的確靠得住。仲有原隻火箭魷魚筒，新鮮鵝腸，墨魚滑，鮮炸響鈐卷，最特别就倞螄蚶，唔係太多地方有得食，真係幸福。 實在太多美食，差D忘記咗海膽刺身，買相非常精緻，亦鮮味無比，又係一樣令我飛咗上天嘅美食。跟住一班癲人，每一碟都要搶，但咁樣又永遠係充滿歡樂笑聲😘😘😘😘