第一必搶絕對係「蒜香牛舌」！厚切到呢，一放上爐燒已經「滋滋」聲，蒜蓉香氣攻陷成個場。咬落去爽脆彈牙到不得了，個種濃郁肉香同蒜香融合，真係食到唔肯停口，轉頭就已經要再落單！
另一驚喜係「韓式醬燒牛肋骨」，醃得超級入味，帶少少甜辣。燒完之後肉質軟淋到呢，幾乎唔使點咬，個醬汁完全滲入每絲纖維，認真惹味！同埋佢哋嘅「即叫即開生蠔」，隻隻都脹卜卜，海水味十足，加少少檸檬汁一啖啪落去，鮮甜到震，個種滿足感真係無得頂！
最後一定要留肚食「芒果糯米糍」作結，外皮煙韌，裡面係冰凍嘅新鮮芒果肉，甜而不膩，完美中和晒之前嘅濃味。成晚就不斷喺「燒多轉牛舌先」同「不如叫多轉生蠔」之間輪迴，個肚皮撐到就嚟爆都仲想繼續落單，呢種放題先至夠痛快！
1
