影片
更多
2009-06-15
67 瀏覽
睇見呢間食店喺呢度嘅食評, 師傅真係有d激氣, 有d深深不憤, 點解? 話說師傅同好友食家"乜都放入窿"專誠黎呢度食飯, 食完之後師傅諗住寫番個食評, 點知上到黎搵唔到呢間食店, 於是師傅第一時間提供呢間食店嘅資料, 諗住成為第一位提交食評嘅人啦, 點知忙得濟, 最後而家先得閒寫, 由第一變第三, 灰!閒話休提, 話說師傅同好友食家"乜都放入窿"黎左呢間食店, 皆因兩位食家都好鍾意食車仔麵, 加上又未試過, 所以好期待! 行到埋去, 好友食家"乜都放入窿"率先柯打, 佢揀左米粉, 牛柏業, 雞腸, 豆卜同菜; 而師傅仲顛, 要左豬紅, 豬皮, 豬腸, 牛腩同埋蘿蔔, 配上幼麵, 實行黎個喪食車仔麵!點都冇諗過兩個人叫左四碗野出黎, 厲害厲害! 先講下師傅嗰碗啦, 一個麵, 五個餸, 結果出左黎就一碗淨麵, 一碗淨餸; 而好友食家"乜都放入窿"就一碗米粉, 四個餸, 結果出左黎係一碗三餸米粉, 一碗淨菜!先講下豬紅, 豬紅腍得黎夠煙煙韌韌, 咬口超好; 豬皮入味爽口, 真係好味到停唔到口, 正呀; 而豬腸炆得幾腍夠入味, 咬口一流, 勁得; 而牛腩相對黎講就一般, 不過亦勝在唔韌, 可以
閒話休提, 話說師傅同好友食家"乜都放入窿"黎左呢間食店, 皆因兩位食家都好鍾意食車仔麵, 加上又未試過, 所以好期待! 行到埋去, 好友食家"乜都放入窿"率先柯打, 佢揀左米粉, 牛柏業, 雞腸, 豆卜同菜; 而師傅仲顛, 要左豬紅, 豬皮, 豬腸, 牛腩同埋蘿蔔, 配上幼麵, 實行黎個喪食車仔麵!
點都冇諗過兩個人叫左四碗野出黎, 厲害厲害! 先講下師傅嗰碗啦, 一個麵, 五個餸, 結果出左黎就一碗淨麵, 一碗淨餸; 而好友食家"乜都放入窿"就一碗米粉, 四個餸, 結果出左黎係一碗三餸米粉, 一碗淨菜!
先講下豬紅, 豬紅腍得黎夠煙煙韌韌, 咬口超好; 豬皮入味爽口, 真係好味到停唔到口, 正呀; 而豬腸炆得幾腍夠入味, 咬口一流, 勁得; 而牛腩相對黎講就一般, 不過亦勝在唔韌, 可以啦; 至於蘿蔔大大舊, 勁鮮甜入味, 仲要唔苦同冇渣, 真係好食好正; 麵亦算煙韌, 但同d餸相比, 後者感覺更好; 而好友食家"乜都放入窿"柯打嘅牛柏業又係掂喎, 牛柏業爽口唔韌, 真係勁好味; 至於雞腸配車仔麵, 師傅都係第一次試, 入口有少少似鵝腸, 非常爽口, 但味道唔算太入味, 不過感覺好特別; 豆卜就算係最普通, 不過亦唔係下等貨色; 菜就好嫩綠, 一d都唔老, 仲要加上成碗菜, 著實抵食!
總括黎講食物質素相當出位, 環境坦白講真係幾劣, 又熱又污穢咁, 不過態度相當友善, 而價錢經濟抵食, 埋單都係六十七蚊, 抵! 師傅好耐都冇同好友食家"乜都放入窿"一齊食車仔麵, 仲要係瘋狂勁食, 最後當然係食唔晒啦, 不過感覺相當之正; 再黎機會不大, 皆因堂食著實太熱, 加上衛生情況麻麻, 但笑臉一定要比!
張貼
