影片
更多
2021-01-11
76 瀏覽
話說一直十分喜歡川菜，由於疫情嘅原因，只能係香港四處尋找地道川菜。係OpenRice見到依間餐廳評價好高，個個有讚冇彈，懷住期待嘅心情，早一日打去book枱當日book咗8:00 ，點知佢7:45已經打嚟吹，好彩早到，而佢又真係有留位比我。但一入到去一睇，明明book咗3個人，佢比咗張2人枱我，仲要一張4人枱坐6個人兩張枱完全痴埋一齊，淨係中間夾塊膠板。我當堂嚇一嚇，雖然依家疫情冇咁嚴重姐(上年10月中)，都唔使坐到咁迫啊，同佢講我明明book咗3人喎，個侍應啊姐仲粗聲粗氣咁話係依張架啦。我見舖頭出面好多人等緊，心諗一場嚟到都冇理由走啦，只好坐低全餐飯同隔離位先生手踭撞手踭！可惜伏始終係伏，全餐飯舖內3位侍應都係愛理不理，見你舉手都當睇你唔到，全程呼呼喝喝，連張紙填漏枱號都要比佢小一番。雖然一直覺劉華個句嘢好老套，顧客唔會永遠是對的，禮貌同尊重係好基本嘅嘢，而員工都唔會係大爺！自問態度良好，已經唔該前唔該後，落單對住佢啲態度都好小心翼翼。無人得罪你，無理由對個客好似喝狗咁喝，依啲咁嘅服務真係難得一見到食物方面，每次落單都要等10分鐘左右，上菜速度一般。食物質數都係一般，絕對唔係其他食評
係OpenRice見到依間餐廳評價好高，個個有讚冇彈，懷住期待嘅心情，早一日打去book枱
當日book咗8:00 ，點知佢7:45已經打嚟吹，好彩早到，而佢又真係有留位比我。但一入到去一睇，明明book咗3個人，佢比咗張2人枱我，仲要一張4人枱坐6個人兩張枱完全痴埋一齊，淨係中間夾塊膠板。我當堂嚇一嚇，雖然依家疫情冇咁嚴重姐(上年10月中)，都唔使坐到咁迫啊，同佢講我明明book咗3人喎，個侍應啊姐仲粗聲粗氣咁話係依張架啦。我見舖頭出面好多人等緊，心諗一場嚟到都冇理由走啦，只好坐低全餐飯同隔離位先生手踭撞手踭！
可惜伏始終係伏，全餐飯舖內3位侍應都係愛理不理，見你舉手都當睇你唔到，全程呼呼喝喝，連張紙填漏枱號都要比佢小一番。雖然一直覺劉華個句嘢好老套，顧客唔會永遠是對的，禮貌同尊重係好基本嘅嘢，而員工都唔會係大爺！自問態度良好，已經唔該前唔該後，落單對住佢啲態度都好小心翼翼。無人得罪你，無理由對個客好似喝狗咁喝，依啲咁嘅服務真係難得一見
到食物方面，每次落單都要等10分鐘左右，上菜速度一般。食物質數都係一般，絕對唔係其他食評所講嘅好正宗，好抵食，性價比好高咁！
總結，本人食唔夠個半鐘已經頂唔住埋單走人，野食唔難食，但絕不正宗，如果想體驗一下比人當狗喝嘅感覺，可以一試
張貼